Türkmenistanyň Prezidentiniň “Türkmeniň altyn asyry” atly bäsleşige

HAKDAN BERLEN KERAMAT

Magtymguly Pyragy

Hakdan berlen keramat.

Türkmeniň beýikligne

Kepil geçýän alamat.

Her bendi, her setiri

Pähim-paýhas ummany.

Ol beýik nesihatdyr,

Oka, diňle, al many.

Durmuşda gowy ynsan

Bolmaga çakylyk ol.

Üç asyr şugla saçýan

Mizemez bakylyk ol.

Düýä däl, dünýä degýär

Dananyň bir diwany.

Ony okan adama

Ýoldaş bolar imany.

Sogaby gözläp tapar,

Şerem gaçar owarra.

Pyraga gol ýapana

Medet berer Hak Alla.

Galkynyşly döwürde

Şahyrym dünýä meşhur.

Nur saçýan heýkelleriň,

Çar ýanda seleňläp dur.

Akyldar şahyrymyz,

Hakdan berlen keramat.

Ony okap ýaşaň siz,

Ýaşaň sag hem salamat!

Üç asyrlyk toýuňy

Tutýarys biz uludan.

Nusga alar adamzat,

Beýik Magtymguludan.

SÖZ MÜLKÜNIŇ ŞASYNA

(Kasyda)

Söz mülküniň şasy bolan Magtymguly Pyragy,

Şygryýetiň ebedilik şugla saçýan çyragy.

Maksatlaryň myrat tapdy Galkynyşly eýýamda,

Dostlarymyz dogan boldy, ýakyn etdik yragy.

Bu gün dünýäň dillerinde okalýandyr diwanyň,

Dürli halklaň kalplaryna siňýär paýhasyň çogy.

Heýkelleriň nur paýlaýar dünýäň dürli şährinde,

Bu Zeminde at-owazaň ýokdur hiç çeni-çägi.

Diýseň belent bir heýkeliň bina edilýär bu gün,

Öňküdenem beýgelder ol gadymy Köpetdagy.

Tagzym edýär öňüňde türkmeniň uly-kiçisi,

Çünki Siz kalbynda parlaýan onuň ruhy Tugy.

BMG-niň münberinden ýaňlanandyr paýhasyň,

Şol gün taryhy senedir — eýýamyň ajap çagy.

Adyň aýtdy Arkadagly Gahryman Serdarymyz

Hasam berkedi halklaryň dostluk-doganlyk bagy.

Üç ýüz ýyllyk şanly toýuň dabarasy dag aşar,

Iller üýşer, görer hemme: bu ýurdy – Erem-bagy.

Hormat-sarpaň artyp barýar ýyllar geçdigi saýy,

Aşyp barýar çöl-sährany, deňiz-derýany, dagy.

Bedew batly ösüşler ýar jandan söýen ýurduňa,

Alkyşlaýas Prezidenti, Gahryman Arkadagy.

Şol Beýikleň yhlasyndan hasyl boldy arzuwlaň,

Halk hakynda bu döwletiň aladasy, şygary.

Şygyrlaryň baky ýaşar heňňamlaryň gatynda,

Olar ýürekleň ýagydyr, gözleň garasy-agy.

Tirsegňe gal, şahyr atam, adyň dillerde sena!

Bagtly iliň älem içre tapdy belent ykrary.

Prezidentimiz hemem Gahryman Arkadagymyz,

Goýýar Size bu Zemine nusgalyk bir sarpany.

Zyýada Ýusubowa,

Magtymguly adyndaky Türkmen döwlet uniwersitetiniň talyby.