Futbol: çaga terbiýesi we saglygy
12:24 11.04.2023
Hereketli oýunlar, bedenterbiýe maşklary we sport oýunlary çaganyň terbiýesinde, saglygyny goramakda we bedeniniň kadaly ösüşinde uly ähmiýete eýedir. Hereketli oýunlaryň arasynda sportuň futbol görnüşi çaganyň beden taýdan sagdyn, ruhubelent, düzgün-tertipli bolup ýetişmeginde örän peýdalydyr. Hünärmenler futbol oýnunyň saglygy goramakdan, bedeni taplamakdan başga-da, çagalarda özara gatnaşygyň ösmegine, ruhy taýdan kämilleşmegine uly peýdasynyň bardygyny aýratyn belleýärler.
Maglumatlardan belli bolşy ýaly, häzirki wagtda bütin dünýäde ýetginjekleriň 80 % gowragy ýygy-ýygydan futbol oýnaýar, olardan aglabasy bolsa sportuň bu görnüşi bilen çynlakaý meşgullanýar. Bu bolsa futbolyň uly meşhurlyga eýedigini ýene-de bir gezek aýan edýär. Hünärmenler futbol oýnaýanlaryň beýleki sport oýunlary bilen deňeşdirilende has köp kaloriýa ýakýandygyny kesgitlediler. Şonuň üçin ol ýag massasyndan dynmakda we myşsa massasyny ösdürmekde has täsirlidir.
Futbol çagalarda ünsliligi we çydamlylygy ösdürýär. Oýun ep-esli wagt dowam edýär we onuň dowamynda oýunçy ünsüni jemlemeli, meýdançada bolup geçýän wakalara gözegçilik etmeli, toparynyň oýunçylarynyň we garşydaş türgenleriň hereketlerini seljermeli bolýar. Bu bolsa öz gezeginde çagadan uzak wagtyň dowamynda fiziki we aň işjeňligini ulanmagyny talap edýär, netijede şu ugurda görnetin ösüşleriň bolmagyna sebäp bolýar.
Futbol köp hereketli bolup, çalt karar bermegi talap edýär. Bu çagada ünsi güýçlendirýär, meýdançadaky ýagdaýa mydama baha berip durmak bolsa akyl başarnyklaryny ösdürýär. Şeýle-de, lukmanlar uly höwes we isleg bilen futbol oýnaýan çaganyň bedeninde bagt garmonlarynyň, ýagny endorfinleriň önümçiliginiň ýokarlanýandygyny belleýär.
Futbol boýunça türgenleşikler adatça, açyk meýdanda geçirilýär. Munuň özi çaganyň arassa howadan dem alyp, Günüň nurly çogyndan taplanmagyny üpjün edýär. Gysgaça bellänimizde, futbol çaganyň terbiýesinde, saglygyny goramakda, durmuşa, ýaşaýşa uýgunlaşmagynda netijeli we ähmiýetli serişdeleriň biridir.
Taýýarlan Nurjahan WELSÄHEDOWA,
Balkan welaýatynyň Türkmenbaşy etrabyndaky 1-nji orta mekdebiň başlangyç synp mugallymy.
Электромобиль самое удобное решение в сохранении чистоты воздуха
Одним из приоритетных направлений государственной политики Туркменистана является охрана окружающей среды, бережное отношение к природным ресурсам и рациональное их использование, внедрение в производство экологически чистых технологий.
Польза ходьбы
Ходьба является одной из самых доступных и полезных форм физической активности. Она помогает укрепить костную ткань, улучшить функцию сердечно-сосудистой системы, снизить риск развития диабета и ожирения, а также улучшить настроение и снизить уровень стресса. Регулярная ходьба может также помочь улучшить сон и повысить уровень энергии в течение дня.
Влияние солнца на здоровье человека
Влияние солнца на организм человека может иметь как положительный, так и отрицательный эффект. При правильном подходе можно повысить иммунитет, укрепить здоровье и поднять настроение; наоборот — перебор с солнечными ваннами способен привести к серьезным заболеваниям.
Осенний рацион для здоровья и хорошего настроения
Осенью самое время позаботиться о своём иммунитете и задуматься о пересмотре своих пищевых привычек. В этот период нужно обратить внимание на рацион и режим питания, его сбалансированность.
В 1971 году сотрудники ЮНЕСКО обнаружили рецепт омоложения организма
В 1971 году сотрудники ЮНЕСКО, исследуя Тибет, обнаружили в развалинах древнего монастыря глиняные таблички с описанием рецепта омоложения организма.
