— Türkmenistanyň Halk Maslahatynyň mejlisine gatnaşmak bilen, men möhüm taryhy waka dahylly bolmak, eziz Watanymyzyň ykbalyny çözýän halkymyz bilen bir bolmak duýgusyny başdan geçirdim.

Bu gezek mejlis Türkmenistanyň hemişelik Bitaraplygynyň 30 ýyllygynyň bellenilýän ýylynda — Halkara parahatçylyk we ynanyşmak ýylynda geçirildi, bu bolsa, oňa aýratyn ähmiýet berdi. Mejlisde «Bitarap Türkmenistanyň parahatçylyk we ynanyşmak syýasatynyň hukuk esaslary hakynda» Türkmenistanyň Konstitusion kanunynyň kabul edilmegi ýatdan çykmajak waka boldy, taryhy resminama ýurdumyzyň parahatçylyk we ynanyşmak syýasatynyň hukuk esaslaryny hem-de onuň halkara gatnaşyklarynda durmuşa geçirilmeginiň ýörelgelerini we maksatlaryny kesgitleýär.

Şu günler türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň hem-de hormatly Prezidentimiz Serdar Berdimuhamedowyň adyna döwlet Garaşsyzlygynyň güni, parahatçylygyň we döredijiligiň ýolunda gazanylan üstünlikler mynasybetli aýdylýan köp sanly gutlaglara tüýs ýürekden goşulýaryn.