Türkmenistanyň Halk Maslahatynyň mejlisine gatnaşyja söz berýäris
Italmaz ITALMAZOW, «Türkmennebit» DK-nyň işgärler we hukuk müdirliginiň başlygy:
— Ýurdumyzyň mukaddes Garaşsyzlygynyň 34 ýyllygynyň öň ýanynda geçirilen Türkmenistanyň Halk Maslahatynyň mejlisiniň dowamynda döwletimiziň içeri we daşary syýasaty bilen baglylykda milli ykdysadyýetimiziň ähli pudaklaryny ösdürmek boýunça anyk tekliplere garaldy.
Biz türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň hem-de hormatly Prezidentimiz Serdar Berdimuhamedowyň çykyşlaryny uly üns bilen diňledik.
Durmuş ulgamy Halk Maslahatynyň hemişelik üns merkezinde durýar, bu meselä aýratyn ähmiýet berilýär, sebäbi hut durmuş ulgamy adamlaryň rowaçlygyny we abadançylygyny üpjün edýär. Ýurdumyzyň tebigy baýlyklarynyň, ykdysadyýetiň diwersifikasiýa ýoly bilen ösdürilmeginiň, halkara hyzmatdaşlygynyň we durmuş kepillikleriniň ilatyň abadançylygyna ýardam edýän esasy ýagdaýlar bolup durýandygy bolsa mese-mälimdir.
Dürli ugurlarda geçirilýän özgertmeler syýasatynyň ilatymyzyň abadan durmuşyny üpjün etmäge gönükdirilmegi diýseň guwandyrýar we buýsandyrýar. Türkmenistanyň Halk Maslahatynyň mejlisiniň dowamynda teklip edilen hem-de kabul edilen resminamalaryň bagtyýar halkymyzyň durmuş derejesini has-da gowulandyrmaga ýardam etjekdigine ynanýaryn.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
“Merkezi Aziýanyň gaz halkasy” — türkmen gazynyň eksportynda goşmaça ugur bolup biler - GGC
«Merkezi Aziýanyň gaz halkasy» taslamasy türkmen gazynyň eksporty üçin goşmaça sebitleýin ugur döredip biler diýip, Global gaz merkeziniň (GGC, Ženewa) ýerine ýetiriji direktory Waleri Dýukro «Türkmenistanyň nebiti we gazy — 2026» atly 31-nji halkara maslahatynda we sergisinde belledi.
