«Türkmengaz» DK-nyň Taslama işleri müdirliginiň inžener gözleg, barlag bölüminiň başlygy Akmyrat GURBANGULYÝEW:
— Mukaddes Garaşsyzlygymyzyň 34 ýyllyk şanly senesine ýurdumyzyň binýatlyk pudagy bolan nebitgaz senagatynyň işgärleri hem zähmet ýeňişleri bilen geldiler. Ýakynda paýtagtymyzda geçirilen Halk Maslahatynyň mejlisinde kabul edilen çözgütler bizi has-da buýsandyrýar. Umumymilli forumyň çözgütleri bilen bagly nebitgaz toplumynda geçirilen baýramçylyk dabarasynda maňa ýokary döwlet sylagy — «Watana bolan söýgüsi üçin» medaly gowşuryldy. Şol gün ömrümiň bagtly günleriniň biri hökmünde hakydamda hemişelik orun tutar. Hormatly Prezidentimize zähmetime beren ýokary bahasy üçin çäksiz hoşallyk bildirýärin.
Häzirki wagtda Türkmenistan — Owganystan — Pakistan — Hindistan gaz geçirijisiniň esasy tapgyry bolan Arkadagyň ak ýoly bilen Serhetabat — Hyrat gaz geçirijisiniň gurluşygy alnyp barylýar. Men hem Gahryman Arkadagymyzyň başlangyçlaryny üstünlikli dowam edýän hormatly Prezidentimiziň tagallasy netijesinde durmuşa geçirilýän bu möhüm gaz geçirijiniň gurluşygynda işleýändigime buýsanýaryn. Arkadagly Gahryman Serdarymyzyň üns-aladasy bilen nebitgaz toplumy batly depginlerde ösdürilýär. Toplumyň işleriniň ilerlemegi üçin ähli mümkinçilikler döredilýär. Nebitgaz senagatynyň işgärleri ýokary amatlyklary bolan ýaşaýyş jaýlary bilen üpjün edilýär.
Biz — ýangyç-energetika toplumynyň işgärleri, hormatly Prezidentimiz Serdar Berdimuhamedowyň ýurdumyzyň nebitgaz pudagyny batly depginler bilen ösdürmek hem-de halkara energetika giňişligine goşmak baradaky döwlet syýasatyny üstünlikli amala aşyrmaga öz goşandymyzy goşmakda ýadawsyz zähmet çekjekdigimize ynandyrýarys.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
“Merkezi Aziýanyň gaz halkasy” — türkmen gazynyň eksportynda goşmaça ugur bolup biler - GGC
«Merkezi Aziýanyň gaz halkasy» taslamasy türkmen gazynyň eksporty üçin goşmaça sebitleýin ugur döredip biler diýip, Global gaz merkeziniň (GGC, Ženewa) ýerine ýetiriji direktory Waleri Dýukro «Türkmenistanyň nebiti we gazy — 2026» atly 31-nji halkara maslahatynda we sergisinde belledi.
