Ýaşlaryň hukuk sowatlylygyny artdyrmaga bagyşlanan wagyz-nesihat çäresi geçirildi
«Türkmennebit» döwlet konserniniň Balkanabat nebitçilik orta hünär okuw mekdebinde ýaşlaryň jemgyýetçilik işjeňligini ýokarlandyrmaga we olaryň hukuk taýdan bilimini pugtalandyrmaga gönükdirilen wagyz-nesihat duşuşygy geçirildi. Çärä mugallymlar, talyp ýaşlar, şeýle hem hukuk goraýjy edaralaryň we jemgyýetçilik guramalarynyň wekilleri gatnaşdylar.
Duşuşygyň dowamynda 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» ýyly diýlip yglan edilmeginiň ähmiýeti giňişleýin düşündirildi. Şeýle-de, Gahryman Arkadagymyzyň hem-de Arkadagly Gahryman Serdarymyzyň ýaşlara berýän öwüt-ündewleriniň jemgyýetimiziň ösüşindäki orny aýratyn bellenildi.
Çäräniň esasy maksady ýaşlaryň sazlaşykly ösüşini üpjün etmek, olaryň jemgyýetde mynasyp orun eýelemegini goldamak hem-de hukuk sowatlylygyny ýokarlandyrmakdan ybarat boldy. Şunuň bilen birlikde, ýaşlaryň hukuklaryny we kanuny bähbitlerini goramak, hukuk bozulmalarynyň öňüni almak, döwletlilik ýörelgelerini wagyz etmek ýaly möhüm meseleler boýunça düşündiriş işleri alnyp baryldy.
Bu görnüşli duşuşyklar ýaş nesliň watansöýüjilik ruhunda terbiýelenmegine, olaryň jogapkärçilik duýgusynyň artmagyna hem-de geljekde ýurdumyza mynasyp hyzmat etjek hünärmenler bolup ýetişmegine ýardam berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
“Merkezi Aziýanyň gaz halkasy” — türkmen gazynyň eksportynda goşmaça ugur bolup biler - GGC
«Merkezi Aziýanyň gaz halkasy» taslamasy türkmen gazynyň eksporty üçin goşmaça sebitleýin ugur döredip biler diýip, Global gaz merkeziniň (GGC, Ženewa) ýerine ýetiriji direktory Waleri Dýukro «Türkmenistanyň nebiti we gazy — 2026» atly 31-nji halkara maslahatynda we sergisinde belledi.
