Bütindünýä saglyk güni mynasybetli ylmy-amaly maslahat geçirildi
Her ýylyň 7-nji aprelinde ýurdumyzda giňden bellenilýän Bütindünýä saglyk güni mynasybetli, Myrat Garryýew adyndaky Türkmenistanyň Döwlet lukmançylyk uniwersitetinde «Ekologiýa abadançylygy — eşretli ertiriň kepili» atly ylmy-amaly maslahat geçirildi. Maslahatyň başynda ýurdumyzda daşky gurşawy goramak we halkyň saglygyny berkitmek ugrunda alnyp barylýan döwlet syýasatynyň ähmiýeti barada durlup geçildi.
Çäräniň dowamynda professor-mugallymlaryň we hünärmenleriň gatnaşmagynda ylmy çykyşlara giň orun berildi. Hususan-da, ýaşyl ykdysadyýeti ösdürmekde ekologiki taýdan arassa we sanly tehnologiýalaryň ähmiýeti barada çykyş edildi. Şeýle hem ekologiýa abadançylygynyň adamzat geljeginiň binýady hökmündäki orny nygtaldy. Bulardan başga-da dürli ekologiýa şertlerinde iýmitlenmegiň aýratynlyklaryna hem-de sagdyn durmuş ýörelgelerine üns çekildi. BMG-niň Ösüş Maksatnamasynyň hünärmeni maslahatyň dowamynda galyndylary gaýtadan işlemek, şäherleriň arassaçylygy we durnukly ösüş meseleleri babatda halkara tejribeleri paýlaşdy. Maslahatyň işine “Ýaş tebigatçy” jemgyýetçilik guramasynyň başlygy hem gatnaşyp, ol öz çykyşynda arassa tebigatyň sagdyn beden üçin zerurdygyny nygtady. Guramanyň taýýarlamagynda görkezilen wideo şekiller bolsa, terbiýeçilik taýdan möhüm ähmiýetli boldy.
Çäräniň dowamynda «Ýaş tebigatçy» jemgyýetçilik guramasynyň hünärmenleri bilen talyp ýaşlaryň arasynda gyzykly sorag-jogap alşygy hem guraldy. Şunda özleriniň işjeňligini we çuňňur bilimlerini görkezen talyplara gurama tarapyndan ýadygärlik sowgatlar gowşuryldy.
Çäräniň ahyrynda Myrat Garryýew adyndaky Türkmenistanyň Döwlet lukmançylyk uniwersitetine «Ýaş tebigatçy» jemgyýetçilik guramasy bilen alyp barýan netijeli we köptaraply hyzmatdaşlygy üçin minnetdarlygyň nyşany hökmünde dabaraly ýagdaýda Hormat haty gowşuryldy. Ýerine ýetirilen aýdym-sazly çykyşlar bolsa, gatnaşyjylarda uly täsir galdyrdy. Bu çäre talyp ýaşlaryň ekologiýa medeniýetini ýokarlandyrmak bilen çäklenmän, eýsem sagdyn jemgyýeti kemala getirmegiň we tebigy baýlyklarymyza aýawly çemeleşmegiň bitewüligini üpjün etmäge gönükdirilen ähmiýetli waka öwrüldi.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
“Merkezi Aziýanyň gaz halkasy” — türkmen gazynyň eksportynda goşmaça ugur bolup biler - GGC
«Merkezi Aziýanyň gaz halkasy» taslamasy türkmen gazynyň eksporty üçin goşmaça sebitleýin ugur döredip biler diýip, Global gaz merkeziniň (GGC, Ženewa) ýerine ýetiriji direktory Waleri Dýukro «Türkmenistanyň nebiti we gazy — 2026» atly 31-nji halkara maslahatynda we sergisinde belledi.
