Amyderýa döwlet tebigy goraghanasynda eko-syýahat guraldy
Amyderýa döwlet tebigy goraghanasynda ýaşlaryň gatnaşmagynda iki günlük eko-syýahat çäresi geçirildi. Bu çäre “Ýaş tebigatçy” jemgyýetçilik guramasy tarapyndan, BMG-niň Ösüş Maksatnamasynyň we Global ekologiýa gaznasynyň «Köp sanly bähbitleriň alynmagy üçin Aral deňziniň giňişliginde ýer serişdelerini we ýokary tebigy gymmatlygy bolan ekoulgamlary gorap saklamak we durnukly dolandyrmak» taslamasynyň çäklerinde guraldy.
Çäräniň esasy maksady ýaş nesliň ekologik sowatlylygyny ýokarlandyrmakdan we olarda tebigata bolan jogapkärçilikli garaýşy kemala getirmekden ybarat boldy. Ýaş tebigatçylar goraghananyň çäklerinde diňe bir tanyşlyk gezelençlerini amala aşyrman, eýsem hünärmenleriň gatnaşmagynda kenarýaka tokaýlarynyň ekoulgamy, sebitdäki seýrek duş gelýän guşlar we haýwanat dünýäsi baradaky bilimlerini hem baýlaşdyrdylar.
Amaly işjeňlige gönükdirilen bu gezelençde tebigaty arassa saklamagyň we ekologik taýdan dogry iýmitlenmegiň häzirki zaman kadalaryna möhüm orun berildi.
«Bu eko-syýahat tebigat bilen içgin tanyşmaga we onuň ekoulgamyny gorap saklamagyň ähmiýetine göz ýetirmäge mümkinçilik berdi. Biz goraghananyň täsin dünýäsini öwrenmek bilen, tebigaty goramagyň her birimiziň mukaddes borjumyzdygyna ýene bir ýola göz ýetirdik. Şeýle çäreler ýaşlaryň arasynda ekologiýa medeniýetiniň kemala gelmeginde möhüm orun tutýar» - diýip, “Ýaş tebigatçy” jemgyýetçilik guramasynyň meýletinçisi Bahargül Kulyýewa gürrüň berdi.
Çäräniň ahyrynda oňa işjeň gatnaşanlara «Ýaş tebigatçy» jemgyýetçilik guramasy tarapynda Hormat hatlary gowşuryldy.
Guramaçylar bu eko-syýahatyň ýaşlaryň arasynda ekologiýa medeniýetini kemala getirmek we tebigy serişdelere aýawly çemeleşmegiň ähmiýetini amaly tejribede görkezmek babatda möhüm çäredigini belleýärler. Şeýle başlangyçlaryň ýaşlaryň ýerli ösümlik we haýwanat dünýäsi baradaky bilimlerini artdyrmak bilen çäklenmän, eýsem, sebitiň özboluşly ekoulgamyny gorap saklamak boýunça giň gerimli işleri alyp barmaga hem itergi berýär.
Bu eko-syýahat ýaşlaryň arasynda ekologiýa medeniýetini kemala getirmek we tebigy serişdelere aýawly çemeleşmegiň ähmiýetini amaly tejribede görkezmek babatda möhüm çäre boldy.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy.
Ýerasty suw ýataklarynyň gor baýlygy artdyrylýar
«Türkmengeologiýa» döwlet korporasiýasynyň ýurdumyzyň welaýatlaryndaky gidrogeologiýa ekspedisiýalarynyň işgärleri halkymyzy gündelik arassa agyz suwy bilen üpjün etmek babatda möhüm işleri durmuşa geçirýärler. «Marygidrogeologiýa» ekspedisiýasynyň işgärleriniň alyp barýan işleri hem şunuň bir mysalydyr.
Türkmenistanyň erkin göreşçileri okuw-türgenleşik ýygnanyşyklaryny geçirdiler
2026-njy ýylyň awgust aýynda Mary we Aşgabat şäherlerinde erkin göreş boýunça geçirilen tapgyrlaýyn okuw-türgenleşik ýygnanyşyklary sport ussatlygyny ýokarlandyrmaga, tejribe alyşmaga hem-de pälwanlaryň geljekki ýaryşlara fiziki taýýarlygyny pugtalandyrmaga gönükdirildi.
