«Balam» konditer kärhanasy milli brendi ösdürýär
Jennet HYDYROWA,
«Balam» konditer önümleri kärhanasynyň hünärmeni:
— Ak mermerli paýtagtymyz — Aşgabat şäheriniň güni, şeýle hem «Ak şäherim Aşgabat» XXV köpugurly halkara sergisiniň we maslahatynyň işe başlamagy bilen tüýs ýürekden gutlaýaryn! Hormatly Prezidentimiziň pähimli syýasaty netijesinde paýtagtymyz dünýäniň iň owadan, durnukly we «akylly» şäherleriniň birine öwrülýär. Bu gözel şäherimiziň ösüşlerinde ýurdumyzyň hususy böleginiň — telekeçileriniň hem mynasyp goşandynyň bolmagy biziň üçin uly buýsançdyr.
«Balam» konditer önümleri kärhanasy eýýäm birnäçe ýyldan bäri halkymyza ýokary hilli, ekologiýa taýdan arassa we tagamly süýjülikleri hödürläp, milli brendi ösdürip gelýär. Biziň şu günki sergä gatnaşmagymyzyň esasy maksady diňe bir öz önümlerimizi tanyşdyrmak däl, eýsem şäher medeniýeti, döwrebap önümçilik we ekologiýa standartlary baradaky çemeleşmelerimizi paýlaşmakdan ybaratdyr.
Biz öz önümçiligimizde döwrebap innowasion tehnologiýalary ulanýarys. Bu bolsa öndürilýän onümlerimiziň hiliniň hemişe ýokary bolmagyny we arassaçylyk kadalaryna doly laýyk gelmegini üpjün edýär. Şu günki günde logistika ulgamymyzyň esasy wezipeleriniň biri hem Aşgabadyň dükanlaryny, bazarlaryny, şeýle-de her bir maşgalany her gün ter we ýokary hilli onümler bilen üpjün etmekdir. Paýtagtymyzyň gurluşyk we infrastruktura ulgamynyň ösmegi biziň söwda hem-de eltip bermek hyzmatlarymyzyň sanlylaşmagyna uly badalga berdi.
Bu halkara platforma täze işewürlik gatnaşyklaryny ýola goýmak, daşary ýurtly hyzmatdaşlar bilen tejribe alyşmak we «Balam» brendini diňe bir içerki bazarda däl, eýsem halkara derejede hem öňe sürmek üçin ajaýyp mümkinçilikdir. Biz mundan beýläk-de hususy bölegiň wekilleri hökmünde ak mermerli paýtagtymyzyň we mähriban Watanymyzyň ykdysady kuwwatyny berkitmäge öz goşandymyzy goşmagy esasy ugurlarymyzyň biri hasaplaýarys.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy.
Ýerasty suw ýataklarynyň gor baýlygy artdyrylýar
«Türkmengeologiýa» döwlet korporasiýasynyň ýurdumyzyň welaýatlaryndaky gidrogeologiýa ekspedisiýalarynyň işgärleri halkymyzy gündelik arassa agyz suwy bilen üpjün etmek babatda möhüm işleri durmuşa geçirýärler. «Marygidrogeologiýa» ekspedisiýasynyň işgärleriniň alyp barýan işleri hem şunuň bir mysalydyr.
Türkmenistanyň erkin göreşçileri okuw-türgenleşik ýygnanyşyklaryny geçirdiler
2026-njy ýylyň awgust aýynda Mary we Aşgabat şäherlerinde erkin göreş boýunça geçirilen tapgyrlaýyn okuw-türgenleşik ýygnanyşyklary sport ussatlygyny ýokarlandyrmaga, tejribe alyşmaga hem-de pälwanlaryň geljekki ýaryşlara fiziki taýýarlygyny pugtalandyrmaga gönükdirildi.
