Ak şäherimiz Aşgabadyň myhmansöýerlik tagamy
Maýa GARRYÝEWA,
Premium La Casa» restoranynyň kiçi aşpezi:
— Ak mermerli paýtagtymyzyň gözelligini we ykdysady kuwwatyny aýdyň görkezýän «Ak şäherim Aşgabat» XXV köpugurly halkara sergisine we maslahatyna gatnaşmak biziň üçin uly mertebe boldy.
Biziň üçin aşpezlik sungaty diňe bir hünär däl, eýsem hakyky sungat we durmuşymyzyň möhüm bölegidir. Taýýarlaýan her bir tagamymyzyň Aşgabadyň gözelligine mynasyp bolmagyna, myhmanlary begendirmegine we olarda ýakymly täsirleri galdyrmagyna üns berýäris. Aşgabat innowasiýalaryň, arassalygyň we döwrebaplygyň şäheridir. Şol bir wagtyň özünde ol milli aşhanamyzyň we iň gowy däp-dessurlarymyzyň halkara derejä çykýan meýdançasyna öwrülýär.
«Premium La Casa» restoranynyň agzybir agzalary paýtagtymyzyň baýramyna aýratyn sowgat — dünýä we türkmen aşhanasynyň iň gowy däplerini özünde jemleýän dürli-dürli tagamlary taýýarlady. Biz sergide diňe bir naýbaşy tagamlarydyr süýjülikleri däl, eýsem ak şäherimiziň estetikasyny we sazlaşygyny görkezýän ajaýyp gurşawy hem hödürledik.
Biz önümleriň hiline aýratyn üns berip, ekologiýa taýdan arassa ýerli önümlere has köp artykmaçlyk berýäris. Aşgabadyň meşhur bolan döwrebap ekologiýa standartlary we sagdyn durmuş ýörelgeleri biziň aşhanamyzyň hem esasyny düzýär. Şeýle halkara derejeli çärä gatnaşmak uly tejribe we jogapkärçilikdir. Biz geljekde hem paýtagtymyzyň ýaşaýjylaryny we myhmanlaryny ýokary derejeli hyzmatlarymyz hem-de türkmen myhmansöýerliginiň iň gowy däpleri bilen begendirmegi dowam ederis.
«Premium La Casa» restoranynyň ajaýyp tagamlar dünýäsini açmaga çagyrýarys. Goý, gözel Aşgabat şäherimiz we Watanymyz elmydama güllesin! Halkara hyzmatdaşlygyny ösdürmek üçin giň mümkinçilikleri döredip berýän Gahryman Arkadagymyza hem-de hormatly Prezidentimize tüýs ýürekden sagbolsun aýdýarys.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
“Merkezi Aziýanyň gaz halkasy” — türkmen gazynyň eksportynda goşmaça ugur bolup biler - GGC
«Merkezi Aziýanyň gaz halkasy» taslamasy türkmen gazynyň eksporty üçin goşmaça sebitleýin ugur döredip biler diýip, Global gaz merkeziniň (GGC, Ženewa) ýerine ýetiriji direktory Waleri Dýukro «Türkmenistanyň nebiti we gazy — 2026» atly 31-nji halkara maslahatynda we sergisinde belledi.
