OGT 2026 halkara sergisi halkara energetika jemgyýetçiliginiň ýokary islegini tassyklaýar
"Türkmenistanyň nebiti we gazy – 2026" (OGT 2026) XXXI Halkara maslahatynyň we sergisiniň açylmagyna üç aý galanda sergi meýdançalarynyň ählisi doly satyldy diýip, çäräni gurnaýjylar habar berýärler. Bu milli we daşary ýurt kompaniýalarynyň sebitiň iň iri energetika çäreleriniň birine gatnaşmaga bolan ýokary gyzyklanmasyny tassyklaýar.
Sergä nebitgaz pudagynyň öňdebaryjy kärhanalary, inženerçilik we hyzmat ediş kompaniýalary, senagat enjamlaryny öndürijiler, sanly çözgütleri işläp düzüjiler, awtomatlaşdyrmak tehnologiýalaryny, ekologik çözgütleri, logistika hyzmatlaryny we ýöriteleşdirilen programma üpjünçiligini üpjün edijiler gatnaşarlar.
Öňümizdäki sergi däp bolan döwrebap tehnologik işläp düzmeleri görkezmek, amaly tejribe alyşmak, täze işewür gatnaşyklary ýola goýmak we bilelikdäki taslamalary amala aşyrmagyň geljegini ara alyp maslahatlaşmak üçin möhüm meýdança bolar.
"Türkmenistanyň nebiti we gazy – 2026" (OGT 2026) halkara maslahaty we sergisi Aşgabatda 21–23-nji oktýabr aralygynda "Energiýa. Hyzmatdaşlyk. Ösüş" şygary astynda geçer. Gurnaýjylar "Türkmennebit" we "Türkmengaz" döwlet konsernleri, "Türkmengeologiýa" döwlet korporasiýasy bolup, olar "Türkmen Energiýa Forum" hojalyk jemgyýeti bilen hyzmatdaşlykda çykyş edýärler.
OGT forumy 30 ýyldan gowrak wagtyň dowamynda öňdebaryjy pudak bilermenlerini, döwlet edaralarynyň wekillerini, milli hem-de halkara energetika kompaniýalaryny, maýa goýum jemgyýetini we ylmy guramalary bir ýere jemleýän abraýly halkara pudaklaýyn meýdançalarynyň biri bolmagynda galýar.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
