Serdar Berdimuhamedow: — Ýurdumyzy ykdysady we senagat taýdan ösdürmek boýunça alyp barýan işlerimizi dowam ederis
23-nji sentýabrda Aşgabatda «Maslahat köşgi» köşgünde türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň ýolbaşçylygynda Türkmenistanyň Halk Maslahatynyň nobatdaky mejlisi geçirildi diýip, TDH habar berýär.
Watanymyzyň Garaşsyzlygynyň 35 ýyllygynyň şanly senesiniň öňüsyrasynda geçirilýän bu umumymilli maslahatyň gün tertibine ata Watanymyzyň halkynyň bagtyýar we abadan ýaşaýşyny üpjün etmek, şeýle hem Türkmenistanyň sosial-ykdysady taýdan mundan beýläk hem ösdürilmegi bilen baglanyşykly möhüm meseleler girizildi.
Halk Maslahatynyň mejlisiniň esasy pursatlarynyň biri Türkmenistanyň Prezidenti Serdar Berdimuhamedowyň çykyşy boldy. Onda Garaşsyz döwletimiziň mundan beýläkki ösüşi babatda geljekki wezipeler kesgitlenildi. Bu ugurdaky esasy wezipeleriň hatarynda döwlet Baştutany nebitgaz toplumynyň işini öňdebaryjy gazananlaryň esasynda döwrebaplaşdyrmagy görkezdi.
«Biz ýurdumyzyň ykdysady we senagat ösüşi boýunça işleri dowam etdireris, çünki sosial-ykdysady strategiýamyzyň esasy maksady şudur», diýip, Türkmenistanyň Prezidenti aýtdy.
«Esasy wezipeleriň biri nebitgaz toplumynyň işini öňdebaryjy gazananlaryň esasynda döwrebaplaşdyrmakdyr. Uglewodorod serişdelerini çykarmak, gaýtadan işlemek we eksport etmek, şeýle hem täze känleri özleşdirmek boýunça iri taslamalar maksatnamalaýyn esasda durmuşa geçirilýär», diýip, Serdar Berdimuhamedow belledi.
«Häzirki wagtda «Arkadagyň ak ýoly» diýlip atlandyrylýan Serhetabat – Hyrat ugry boýunça Türkmenistan–Owganystan–Pakistan–Hindistan gaz geçirijisiniň bir bölegini gurmak işleri çalt depginler bilen dowam edýär. Şunuň bilen birlikde, Türkmenbaşynyň nebiti gaýtadan işleýän zawodlar toplumynyň düzüminde täze desgalar gurulýar. Şol bir wagtyň özünde, Seýdiniň nebiti gaýtadan işleýän zawodyny döwrebaplaşdyrmak boýunça netijeli çäreler görülýär», diýip, döwlet Baştutany sözüni dowam etdi.
«Dünýädäki iň iri «mawy ýangyç» känleriniň biri bolan «Galkynyş» känini tapgyrlaýyn özleşdirmek işi hem üstünlikli dowam edýär. Bu iş ýurdumyzyň senagatlaşdyrylmagynyň gerimini ep-esli giňeltmäge we onuň energetika güýji hökmündäki ornuny pugtalandyrmaga mümkinçilik berýär», diýip, Türkmenistanyň Prezidenti nygtady.
«Şu ýyl Gahryman Arkadagymyzyň gatnaşmagynda «Galkynyş» känini özleşdirmegiň dördünji tapgyry — ýylda 10 milliard kubmetr harytlyk gaz öndürýän döwrebap zawodyň gurluşygy başlandy. Ýakyn wagtda bu ýerde 1 müňden gowrak täze iş orny dörediler», diýip, döwlet Baştutany aýtdy.
Prezident şeýle uly taslamanyň doly durmuşa geçirilmegi uglewodorodlaryň eksport möçberini artdyrmaga we olaryň ygtybarly eksportyny üpjün etmäge mümkinçilik berjekdigini nygtady. «Umuman, «Galkynyş» gaz känini özleşdirmegiň dördünji tapgyry, şeýle hem Mary welaýatynyň Ýolöten etrabynda döwrebap şäherçäniň binýadynyň tutulmagy energetika we sosial syýasatyň çäklerindäki iň iri taslamalaryň hataryna girdi».
«Umuman, geçirilýän özgertmeler Türkmenistany öňdebaryjy industrial we ýokary tehnologiýaly önümçilik merkezine öwürmäge gönükdirilendir», diýip, döwlet Baştutany belledi.
«Şu gün Türkmenistan ykdysady taýdan durnukly ösüşi üpjün edýän kuwwatly senagat pudagyna eýe. Ýurdumyzy senagat taýdan ösen döwlete öwürmek boýunça alnyp barylýan işleri mundan beýläk-de dowam etmek maksady bilen, “Türkmenistany senagat taýdan ösdürmegiň 2030 — 2045-nji ýyllar üçin Milli strategiýasyny” kabul etmeli», diýip, Türkmenistanyň Prezidenti aýtdy.
Şol gün Prezident Serdar Berdimuhamedow “Türkmenistany senagat taýdan ösdürmegiň 2030 — 2045-nji ýyllar üçin Milli strategiýasyny” tassyklaýan Karara gol çekdi.
Türkmenistanyň nebitgaz toplumynyň wekilleri HUAWEI CONNECT 2026 halkara sergisine gatnaşdylar
Türkmenistanyň Prezidenti Serdar Berdimuhamedowyň paýhasly ýolbaşçylygy we goldawy bilen Türkmenistanyň nebitgaz toplumyny döwrebaplaşdyrmak we sanly ulgama geçirmek boýunça giň gerimli özgertmeler üstünlikli amala aşyrylýar.
Türkmenistanyň Pakistandaky ilçisi iri sebit taslamalarynyň barşy barada aýtdy
Türkmenistanyň Pakistandaky ilçisi Atajan Möwlamow Yslamabatda Lahoryň Söwda-senagat edarasy tarapyndan guralan «Ambassadors' Dinner 2026» atly däp bolan diplomatik agşamlyk naharyna baş myhman hökmünde gatnaşdy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
