Soganyň saglyga peýdasy barada
23:35 06.11.2021
Soganyň saglyga täsiri barada Gündogaryň beýik alymy Ibn Sina «Tebipçilik ylmynyň kanuny» diýen eserinde oňa bütin bir bölümi bagyş edipdir. Häzirki zaman lukmançylyk ylmynda hem soganyň peýdasy barada örän köp barlaglar geçirilýär. Bu barada «Puls.mail.ru» habar berýär.
Soganyň düzüminde bedene peýdaly täsirini ýetirýän fitohimiki elementler örän köpdür. Onuň düzümindäki birleşmeler, hususan-da, C witamini ýürek gan-damar ulgamyny, flawonoidler gan basyşyny kadalaşdyrmaga ýaramlydyr. Laboratoriýa barlaglarynda bolsa sogandaky birnäçe maddalaryň bedende ýag ýygnanma hadysasynyň öňüni alýandygy anyklanyldy.
Soganyň saglyga ýene-de bir peýdaly tarapy ýatkeşligi gowulandyrýanlygyndadyr. Oňa iýmit siňdiriş ulgamyndaky peýdaly ownuk bedenleriň ösüşine amatly täsirini ýetirýän inuliniň haýry köpdür. Adamda kähalatlarda sogan bilen bagly allergiýa alamatlarynyň ýüze çykmagy onuň iýmit hökmünde ulanylmagyndan däldir. Seýrek ýüze çykýan allergiýa alamatlary, köplenç, soganyň arassalanylmagy, dogralmagy bilen baglydyr. Sogan iýlende agyz boşlugyndan gelýän ysy aýyrmak üçin az-owlak petruşka gök otuny iýmek maslahat berilýär. Sogany çyg çekmeýän gurak, gowy şemal çalýan ýerde saklamalydyr.
Taýýarlan Yhlas GULGELDIÝEW,
Magtymguly adyndaky Türkmen döwlet uniwersitetinyň talyby.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.
