Üstünlige ýetmegiň ýedi usuly
23:07 15.06.2022
Şowlulyk we üstünlik adamlary hemişelik hem gyzyklandyryp geldi. Näme üçin hemme adamlaryň deňligine seretmezden, bir adam ilkinji gezek ýaryşa gatnaşýar we ýeňiji bolýar, beýlekilerde bolsa üstünlik ony görmezden geçýän ýaly bolýar diýip “Lukman Piter” belleýär.
Psiholog Elizaweta Felonenkonyň pikiriçe, şowluluk hadysasy adamlaryň duýgusynyň we özüni alyp barşynyň aýratynlyklary bilen baglanyşykly. Bagtlylar dünýäni bagtsyzlardan başgaça kabul edýärler. Elizaweta Felonenko üstünlige we şowlylyga ýetmegiň 7 usulyny atlandyrdy:
Durmuşyň her bir pursadyna begenmäge bolan mümkinçilikleriňizi artdyryň. Ünsüňizi gowy zatlara gönükdirip, durmuşa bolan kanagatlandyrma duýgularyňyzy türgenleşdiriň.
Durmuşyň duýdansyz tekliplerini köplenç ýerine ýetiriň. Hem-de özüňiziň planlaryňyzy ýagdaýlara görä üýtgetmekden gorkmaň.
Öz ýalňyşlaryňyzy kabul etmegi başaryň. Ýeňmek üçin, ýeňilmegi hem başarmalydyr.
Bilesigelijilik duýgularyňyzy ösdüriň. Özüňiziň barýan ýerleriňiz hakynda: okuw jaýy ýa-da dynç alyş öýi bolsun, köpräk öwrenmäge synanşyň.
Durmuş işjeňligiňizi artdyryň. Bilşiňiz ýaly, ýatan daşyň aşagyndan suw akmaýar –işjeňlik şowlulygyňyzy ep-esli artdyrýar.
Gaty konserwatiw bolmajak boluň. Hemme zatdan gaça durmak we eýýam size tanyş bolan zatlara ýapyşmak, mümkinçilikleriňiziň derejesini peseldýär.
Hem-de hiç haçan ne özüňize we daş töweregiňizdäkilere men üstünliksiz we şowsuz diýip aýtmaň –bu sözler hem uly many aňladýar.
Babamyrat Nurjykow
Türkmen oba hojalyk institutynyň talyby.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.
