Ekologiýa abadançylygynyň goragynda
Türkmenistan döwletimiz oňyn bitaraplyk, parahatçylyk söýüjilik we netijeli halkara hyzmatdaşlyk ýörelgelerine esaslanýan daşary syýasaty alyp barýar. Şonuň bir ugry hökmünde ýurdumyzyň alyp barýan Ekologiýa syýasaty aýratyn gürrüňiniň edilmegine mynasyp ugurlaryň biridir.
Ozaly bilen, döwletimiziň dünýä ýurtlary abraýly halkara we sebitleýin guramalary bilen bu ugurda alyp barýan hyzmatdaşlygynyň strategik häsiýete eýedigini bellemelidir. Birleşen Milletler Guramasynyň binýatlaýyn Konwensiýalaryna we resminamalaryna, şol sanda howanyň üýtgemegi boýunça Pariž ylalaşygyna goşulmak arkaly, ýurdumyz öz üstüne alan borçnamalaryny birkemsiz ýerine ýetirip gelýär. Türkmenistan 2030-njy ýyla çenli Gün tertibiniň amala aşyrylmagyna işjeň gatnaşmak bilen, toplumlaýyn özgertmeler maksatnamalaryny işläp taýýarlamakda we durmuşa geçirmekde zerur tagallalary durmuşa ornaşdyrýar.
Ýurtlaryň köpüsine mahsus bolan gazyp alýan pudaklaryň, şol sanda nebit, gaz we dag-magdan senagatynyň zyýanly gazlaryň howa zyňylmagyny azaltmakda ähmiýetli ornlary bardyr. Munuň üçin önümçilige ýaşyl tehnologiýalary ornaşdyrmagyň, önümçiligiň ekologiki taýdan iň arassa usullaryny peýdalanmagyň zerurlygy ählumumy ykrar edilmä eýe bolýar. Ýerasty baýlyklary gazyp almak babatda dünýä ýurtlarynyň arasynda öňdäki orunlary eýeleýän Türkmenistan döwletimiz tarapyndan önümçilige, gaýtadan işleýän senagata häzirki zaman innowasion tehnologiýalaryny ornaşdyrmak babatda dünýä nusgalyk göreldäni görkezýär. Dünýäde ilkinji bolan Ahaldaky gazdan benzin öndürýän zawod babatda aýdylanynda hem, Türkmenbaşynyň nebiti gaýtadan işleýän zawodlar toplumynda önümçiligi ýola goýulýan EKO-98 benzin ýangyjynyň önümçiligi babatda gürrüň edileninde hem, biz ekologiýa taýdan arassa önümçilik işiniň şaýady bolýarys.
Ýurdumyzda berjaý bolýan şeýle işleriň hatarynda welaýatlarymyzda gurlup ulanylmaga berlen karbamid, azot dökünlerini öndürýän zawodlaryň mysalynda-da, gaz hem-de bug turbinaly utgaşykly dolandyrylýan täze elektrik beketleriniň mysalynda-da, howa zyňylýan zyýanly zyňyndylarynyň möçberi nol sanlarda ölçelýän arassa önümçiligiň guralandygyny görýäris.
Şirli MÄMIÝEW,
Türkmen döwlet binagärlik-gurluşyk institutynyň talyby.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
