«Türkmengaz» DK-nyň «Merw» toparynyň futbolçylary 22-nji awgustda «Hujand» täjik topary bilen duşuşar
14:27 19.08.2023
Tamamlanyp barýan hepdäniň möhüm wakalarynyň biri hem, AFK-2023/24 Kubogynyň Merkezi zolakdaky deslapky tapgyry boldy. Ol duşuşyk Mary şäherinde 10 müň orunlyk «Sport toplumy» stadionynda geçirildi.
«Türkmengaz» döwlet konserniniň «Merw» futbol klubunyň futbolçylary Gyrgyzystanyň güýçli klublarynyň biri bolan «Alaýdan» üstün çykdylar.
Duşuşyk 1:0 hasabynda tamamlandy. 13-nji minutda gyrgyzlaryň «Alaý» toparynyň derwezesine ýeňiş goluny Musa Nurnazarow geçirdi.
Ilkinji nobatda belläp geçmeli zatlaryň biri, dolan stadionda janköýerleriň bileleşip, «Merwiň» oýnuna ýardam bermeklidir. Janköýerleriň arasynda diňe bir Mary welaýatynyň ýaşaýjylary däl, eýsem, tutuş ýurdumyzdan gelen janköýerler boldy. «Türkmengaz» döwlet konserniniň toparynyň futbolçylary hemmeleriň ýadynda uzak galjak ajaýyp duşuşyk geçirdiler.
Ajaýyp goly geçiren Musa Nurnazarowyň hem-de derwezäni mynasyp goran «Merwiň» derwezebany Merdan Saparowyň oýnuny aýratyn bellemeli.
22-nji awgustda Hujandda «Täjigistanyň Garaşsyzlygynyň 20 ýyllygy» stadionynda AFK-2023/24 Kubogynyň pleý-off tapgyrynda «Merw» Täjigistanyň çempionatynyň bürünç medalçysy «Hujand» bilen duşuşar.
Üstünlik gazanan ýagdaýynda «Türkmengaz» döwlet konserniniň «Merw» toparynyň futbolçylary «Rawşan» (Täjigistan), «Altyn asyr» (Türkmenistan) we «Abdyş-Ata» (Gyrgyzystan) klublary bilen bilelikde ýaryşyň Merkezi zolagynyň toparlaýyn tapgyrynda çykyş eder.
Merkezi zolakda AFK-2023/24 Kubogynyň toparlaýyn tapgyry 20-nji sentýabrda başlanyp, 14-nji dekabrda tamamlanar. Indiki tapgyra diňe toparynyň ýeňijileri çykar.
Türkmenistanyň Prezidenti: Jemi içerki önümiň ösüş depgini ýanwar-aprel aýlarynda 6,3% boldy
2024-nji ýylyň ýanwar-aprel aýlarynda Türkmenistanda jemi içerki önümiň ösüş depgini 6,3%-e deň boldy. Bu barada Prezident Serdar Berdimuhamedow 3-nji maýda sanly ulgam arkaly geçirilen Hökümet mejlisinde aýtdy.
Türkmenistanyň Prezidentiniň ýanyndaky Döwlet gullugy akademiýasynyň diňleýjileri döwlet dolandyrylyşy boýunça Hytaýda okuw geçerler
Türkmenistanyň Prezidentiniň ýanyndaky Döwlet gullugy akademiýasynyň deňleýjileri HHR-iň Pekin uniwersitetiniň döwlet dolandyrylyşy boýunça gysga möhletleýin okuwyna gatnaşarlar diýip, Türkmenistan Habarlar merkezi habar berýär.
Nebitgaz toplumynda ýylyň dört aýynyň jemlerine garaldy
4-nji maýda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň dört aýynda ýerine ýetirilen işleriň jemlerine bagyşlanan hasabat ýygnagy geçirildi.
Ýokary tizlikli awtomobil ýolunyň ugrunda täze AÝGB-ler işe girizildi
Mary welaýatynyň Mary etrabynda Aşgabat-Türkmenabat ýokary tizlikli awtomobil ýolunyň Tejen-Mary böleginiň 309,7-nji kilometrinde iki sany täze Awtoulaglara ýangyç guýujy beket işe girizildi. Olar “Türkmennebit” döwlet konserniniň “Türkmennebitönümleri” baş müdirliginiň Wekilbazar nebit önümleri kärhanasynyň sargydy boýunça guruldy.
“Türkmengaz” DK önümçilik desgalaryny dolandyrmak we maglumatlary toplamak ulgamyny işe girizer
“Türkmengaz” döwlet konserni konserniň önümçilik desgalaryny merkezleşdirilen dessin-dispetçer dolandyryş we maglumat toplaýyş ulgamyny “açary gowşurmak” şerti bilen gurmak boýunça halkara bäsleşigiň deslapky saýlawyny yglan etdi. Bu barada bildiriş “Neýtralnyý Türkmenistan” gazetinde çap edildi.
