Türkmenistanyň ýaş sazandalarynyň Bişkekdäki Garaşsyz Döwletleriň Arkalaşygynyň ýaş wekilleriniň arasynda XVII Delfiý oýunlarynyň üstünlikleri
Gyrgyzystanyň paýtagty Bişkek şäherinde, Garaşsyz Döwletleriň Arkalaşygynyň ýaş wekilleriniň arasynda XVII Delfiý oýunlarynyň bäsleşigi geçirildi.
Delfiý oýunlary – bu däp bolup, her ýylda geçirilýän, zehinli ýaşlaryň döredijilik bäsleşikleri bolup, ol: fortepiano, skripka, şekillendiriş sungaty, akademiki aýdym aýtmagy, ýekelikde halk aýdymlary aýtmagy, estrada aýdymy, halk tansy, halk saz gurallary, üflenip çalynýan saz gurallary we çeperçilik senetçiligi ugurlary boýunça geçirilýär.
Saz sungaty ugry boýunça Türkmenistanyň ýaş sazandalary bu halkara bäsleşigiň ýörite diplomlaryna we medallaryna mynasyp boldular. Olardan, Maýa Kulyýewa adyndaky Türkmen milli konserwatoriýasynyň ýanyndaky Ýörite sazçylyk mekdep-internatynyň skripka hünäriniň 10-njy synp okuwçysy Elina Gurbanowa Üçünji derejeli diploma we bürünç medalyna mynasyp boldy. Elina «Altyn asyr» bäsleşiginiň ýeňijisi Gözel Gurbanowanyň okuwçysy.
Şeýle-de, skripka hünäri boýunça Ýörite sazçylyk mekdep-internatynyň uçurymy Maýa Kulyýewa adyndaky Türkmen milli konserwatoriýasynyň 2-nji ýyl talyby Seýran Ataniýazow bäsleşigiň Ikinji orun diplomyna we kümüş medalyna mynasyp boldy. Seýran «Altyn asyr» bäsleşiginiň ýeňijisi Näzik Saryýewanyň okuwçysy.
Zehinli skripkaçy sazandalara halkara bäsleşikleriniň diplomanty, konserwatoriýanyň «Kamera ansambly» kafedrasynyň uy mugallymy Stella Faramazowa fortepiano saz guralynda sazandarlyk etdi.
Şeýle-de, Maýa Kulyýewa adyndaky Türkmen milli konserwatoriýasynyň ýanyndaky Ýörite sazçylyk mekdep-internatynyň fortepiano hünariniň 11-nji synp okuwçysy Aýnur Otuzowa «Döredijilik kuwwaty üçin» atly Ýörite diploma mynasyp boldy. Aýnur Ýörite sazçylyk mekdep-internatynyň mugallymy Jeýhun Babaýewiň okuwçysy.
Ýörite sazçylyk mekdep-internatynyň fortepiano hünäri boýunça uçurymy, Maýa Kulyýewa adyndaky Türkmen milli konserwatoriýasynyň 3-nji ýyl talyby Erjel Ýagşymyradow bäsleşigiň üçünji orun diplomyna we bürünç medalyna mynasyp boldy. Erjel Türkmenistanyň at gazanan artisti Wladimir Mkrtumowyň okuwçysy.
Başga-da, ýaş aýdymçy, Balkanabat şäheriniň Ýörite sazçylyk mekdebiniň bagşy hünäriniň okuwçysy Güýçberdi Gulow bäsleşigiň Ikinji orun diplomyna we kümüş medalyna mynasyp boldy.
Jemal AGAJANOWA,
Maýa Kulyýewa adyndaky Türkmen milli konserwatoriýasynyň «Orkestr saz gurallary» fakultetiniň 5-nji ýyl talyby.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
