Bitaraplyk baýramy mynasybetli şaşka boýunça ýaryş geçirildi
21:49 08.12.2023
Türkmenistanyň baky Bitaraplyk baýramy mynasybetli Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň işgärleriniň we talyplarynyň arasynda 64 öýjükli şaşka boýunça erkekleriň we zenanlaryň arasynda aýratynlykda ýaryş geçirildi.
Erkekleriň arasynda uniwersitetiň Balkanabat bölüminiň 4-nji ýyl talyby Kadyr Peşliýew birinji orna mynasyp boldy. Ikinji orny uniwersitetiň mugallymy Şamuhammet Durdyýew, üçünji orny bolsa 3-nji ýyl talyby Şageldi Ýegenmämmedow eýeledi.
Zenanlaryň arasynda uniwersitetiň Balkanabat bölüminiň 4-nji ýyl talyby Näzbagt Islamowa ýeňiji boldy. Ikinji orna uniwersitetiň 3-nji ýyl talyby Gyzsoňy Öweznepesowa, üçünji orna ýokary okuw mekdebiniň mugallymy Şirinjemal Gulmuhammedowa mynasyp boldy.
Ýaryş Türkmenistanyň Milli şaşka merkezi, Ýagşygeldi Kakaýew adyndaky Halkara nebit we gaz uniwersitetiniň Balkanabat bölümi, Balkan welaýatynyň bedenterbiýe we sport baradaky Baş müdirligi we Balkan welaýat ýöriteleşdirilen şaşka sport mekdebi tarapyndan guraldy. Ýaryşyň ýeňijilerine guramaçylar tarapyndan sowgatlar we hormat hatlary gowşuryldy.
Maksat DURDYÝEW,
Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň mugallymy, Ýaşlaryň arasynda dünýä çempiony, ýaryşyň baş emini.
Türkmenistanyň Prezidenti: Jemi içerki önümiň ösüş depgini ýanwar-aprel aýlarynda 6,3% boldy
2024-nji ýylyň ýanwar-aprel aýlarynda Türkmenistanda jemi içerki önümiň ösüş depgini 6,3%-e deň boldy. Bu barada Prezident Serdar Berdimuhamedow 3-nji maýda sanly ulgam arkaly geçirilen Hökümet mejlisinde aýtdy.
Türkmenistanyň Prezidentiniň ýanyndaky Döwlet gullugy akademiýasynyň diňleýjileri döwlet dolandyrylyşy boýunça Hytaýda okuw geçerler
Türkmenistanyň Prezidentiniň ýanyndaky Döwlet gullugy akademiýasynyň deňleýjileri HHR-iň Pekin uniwersitetiniň döwlet dolandyrylyşy boýunça gysga möhletleýin okuwyna gatnaşarlar diýip, Türkmenistan Habarlar merkezi habar berýär.
Nebitgaz toplumynda ýylyň dört aýynyň jemlerine garaldy
4-nji maýda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň dört aýynda ýerine ýetirilen işleriň jemlerine bagyşlanan hasabat ýygnagy geçirildi.
Ýokary tizlikli awtomobil ýolunyň ugrunda täze AÝGB-ler işe girizildi
Mary welaýatynyň Mary etrabynda Aşgabat-Türkmenabat ýokary tizlikli awtomobil ýolunyň Tejen-Mary böleginiň 309,7-nji kilometrinde iki sany täze Awtoulaglara ýangyç guýujy beket işe girizildi. Olar “Türkmennebit” döwlet konserniniň “Türkmennebitönümleri” baş müdirliginiň Wekilbazar nebit önümleri kärhanasynyň sargydy boýunça guruldy.
“Türkmengaz” DK önümçilik desgalaryny dolandyrmak we maglumatlary toplamak ulgamyny işe girizer
“Türkmengaz” döwlet konserni konserniň önümçilik desgalaryny merkezleşdirilen dessin-dispetçer dolandyryş we maglumat toplaýyş ulgamyny “açary gowşurmak” şerti bilen gurmak boýunça halkara bäsleşigiň deslapky saýlawyny yglan etdi. Bu barada bildiriş “Neýtralnyý Türkmenistan” gazetinde çap edildi.
