ÝURDUMYZDA TÄZE ÝYLDA ILKINJI BÄBEJIK ARKADAG ŞÄHERINDE DÜNÝÄ INDI
17:19 05.01.2024
2024-nji — «Pähim-paýhas ummany Magtymguly Pyragy» ýylynyň şatlykly wakalara beslenen ilkinji pursatlarynda ýurdumyzda täze ýyldaky ilkinji bäbek dünýä indi. Arkadag şäheriniň Enäniň we çaganyň saglygyny goraýyş merkezinde dünýä inen oglanjyga ata-enesi Arkadag diýip at goýdular.
Dünýä inen bäbegiň agramy 4 kilogram 230 grama, boýy 54 santimetre barabar boldy. Häzir lukmanlar tarapyndan bäbejigiň ýagdaýynyň kanagatlanarlydygy bellenildi.
«Türkmengaz» döwlet konserniniň «Türkmengazaragatnaşyk» müdirliginiň Önümçilik dispetçer gullugynyň dispetçeri bolup zähmet çekýän Sapardurdy hem-de Ogulabat Kakageldiýewleriň maşgalasynda dünýä inen bäbejige Gahryman Arkadagymyz, hormatly Prezidentimiz ýadygärlik sowgatlaryny iberdiler. Ahal welaýatynyň Gökdepe etrabynyň Yzgant şäherçesiniň ýaşaýjylary Kakageldiýewleriň döwletli maşgalasynda dünýä inen bäbejik maşgalanyň üçünji perzendidir.
Lukmanlar gapyda sabyrsyzlyk bilen garaşýan Bibigözel enä guwançly habary buşladylar: «Buşluk, ogul agtygyňyz boldy!» Şatlykdan ýaňa ýüregi tolgunan ene begenç gözýaşlaryny sylyp durşuna:
— Agtyjagymyň adyna Arkadag goýjak — diýip, oglunyň ýüzüne bakdy. Ejesiniň saýlan ady oglunyň ýüregine jüňk boldy.
Bu bagtly pursatda üçünji ogul perzendi dünýä inderen Ogulabat Kakageldiýewanyň ýürek buýsanjyny diňlemek diýseň ýakymly boldy.
— «Çagaly öý — bazar» diýlişi ýaly, üçünji perzendim Arkadag oglumy gujagyma aldym. Watanymyzda toý-baýramlaryň goşa-goşadan gelşi ýaly, Täze ýyly garşy alýan pursadymyz biziň maşgalamyz üçin goşa toýa öwrüldi. Gadam, Kakageldi hem-de Arkadag oguljyklarymyzy il-güne, Watana ak ýürekden hyzmat etjek adamlar edip ýetişdirmekde yhlasymyzy gaýgyrmarys.
Gahryman Arkadagymyzyň, hormatly Prezidentimiziň iberen ajaýyp sowgatlary üçin ene ýüregimden köp sagbolsun aýdýaryn. Goý, Arkadagly Gahryman Serdarymyzyň, Gahryman Arkadagymyzyň janlary sag, ömürleri uzak bolsun, halkymyz üçin edýän beýik işleri rowaçlyklara beslensin!
Bu bagtly güne dogan-garyndaşlar, goňşy-golamlar hem sabyrsyzlyk bilen garaşdylar. Eýjejik çaga törüňe ýaraşyk, ýüregiňe kuwwat berip, köňül köşgüňi ganatlandyrýar. Goý, posalajyk bala maşgalasyna bagt guşy bolup dolsun!
Çig mala baý Nogaý käni
«Türkmennebit» döwlet konserniniň «Nebitgazburawlaýyş» trestiniň Körpeje buraw işleri müdirliginiň «gara altyn» we «mawy ýangyç» gözleýji burawlaýjy toparlarynyň «Pähim-paýhas ummany Magtymguly Pyragy» ýylynyň her bir aýynda ýerine ýetirýän giň gerimli işleri buýsanç bilen bellenilmäge mynasypdyr.
Nebitgaz toplumynda sport bäsleşikleri guramaçylykly geçirildi
Geçen hepdäniň dowamynda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan nebitgaz toplumynyň işgärleriniň arasynda «Sagdynlyk we bagtyýarlyk» şygary astynda sportuň birnäçe görnüşleri boýunça bäsleşikler geçirildi.
«Türkmengaz» döwlet konserniniň Ylmy-barlag tebigy gaz institutynda wagyz-nesihat duşuşygy geçirildi
«Türkmengaz» döwlet konserniniň Ylmy-barlag tebigy gaz institutynda Türkmenistanyň Halk maslahatynyň, Türkmenistanyň Mejlisiniň, Türkmenistanyň Kärdeşler arkalaşyklarynyň Milli merkeziniň, Türkmenistanyň Zenanlar birleşiginiň merkezi Geňeşiniň hem-de Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň bilelikde guramagynda wagyz-nesihat duşuşygy geçirildi.
Türkmenistanyň nebitgaz toplumynyň kompaniýalary Zähmeti goramagyň Bütindünýä gününe bagyşlanan maslahat geçirdiler
“Dragon Oil” kompaniýasy “Türkmennebit” döwlet konserniniň goldaw bermeginde ýurdumyzda 28-nji aprelde bellenilip geçilýän Zähmet goramagyň Bütindünýä güni mynasybetli zähmet goramagy, howpsuzlyk tehnikasy we ekologiýa howpsuzlygy dolandyrmak boýunça maslahatyň guramaçysy bolup çykyş etdi.
Köýtendag döwlet tebigy goraghanasynda usuly-okuw maslahaty geçirildi
Köýtendag döwlet tebigy goraghanasynda «Gözel tebigatymyzy ýangyn howpundan goralyň!» diýen at bilen usuly-okuw maslahaty geçirildi. Türkmenistanyň Tebigaty goramak jemgyýetiniň Lebap welaýat bölüminiň guran çäresine welaýat polisiýa müdirliginiň ýangyn howpsuzlygy bölüminiň, Köýtendag etrabynyň edara-kärhanalarynyň wekilleri gatnaşdylar.
