Margaritis Şinas: Aşgabada saparymyz ÝB-Türkmenistan gatnaşyklaryna ähli ugurlarda täze itergi berer
Aşgabada saparymyz ÝB-Türkmenistan gatnaşyklaryna ähli ugurlarda täze itergi berer. Bu barada Ýewropa Komissiýasynyň wise-prezidenti Margaritis Şinas çarşenbe güni Türkmenistana saparynyň netijeleri boýunça geçiren brifinginde belledi diýip, ÝB-niň Türkmenistandaky wekilhanasy habar berýär.
“Köpçülikleýin habar beriş serişdeleri üçin brifingde Margaritis Şinas şeýle diýdi: “Bäş ýyl mundan ozal Ýewropa Komissiýasynyň döredileni bäri Türkmenistana gelip gören ilkinji komissar bolandygyma buýsanýaryn. Türkmenistan Merkezi Aziýada ÝB-niň möhüm hyzmatdaşy bolup durýar”.
Margaritis Şinasyň Türkmenistanyň DIM-inde geçiren duşuşygynyň barşynda Türkmenistan bilen Ýewropa Bileleşiginiň arasyndaky hyzmatdaşlygyň möhüm ugurlaryny we ony ösdürmegiň mümkinçiliklerini ara alyp maslahatlaşdylar. Şunda howpsuzlyk, sanly ulgam, suw hojalygy, ulag we bilim ugurlarynda gatnaşyklary giňeltmegiň meselelerine aýratyn üns berildi.
Bellenilişi ýaly, “bu sapar “Ýewropa-Merkezi Aziýa maýadarlaryň forumyna” bagyşlanýar. Onuň maksady Merkezi Aziýanyň we Ýewropa Bileleşiginiň arasynda ulag geçelgelerini ösdürmek arkaly gatnaşyklary berkitmek bolup durýar”.
“Saparyň barşynda Şinas Türkmenistanyň Prezidenti Serdar Berdimuhamedow we Ministrler Kabinetiniň Başlygynyň orunbasary, daşary işler ministri Raşid Meredow bilen duşuşdy. Duşuşyklarda hyzmatdaşlygyň ileri tutulýan ugurlary ara alnyp maslahatlaşyldy” diýlip, metbugat beýanynda bellenilýär.
“ÝB-Türkmenistan hyzmatdaşlygyny maslahatlaşmagyň barşynda, ÝK-nyň wise-prezidenti Türkmenistanyň Bütindünýä söwda guramasyna girmek boýunça tagallalaryna hoşallygyny beýan etdi. Ol şeýle hem Dubaýda COP28 maslahatynda Türkmenistanyň Metan boýunça ählumumy borçnama goşulmagy bilen gutlady” diýlip bellenilýär.
Ýewropa Komissiýasynyň wise-prezidenti Margaritis Şinasyň ýolbaşçylygyndaky Ýewropa Bileleşiginiň wekiliýeti Merkezi Aziýa ýurtlaryna saparynyň çäklerinde 17-nji ýanwarda Türkmenistana geldi.
Hökümet mejlisinde nebitgaz toplumynyň 2025-nji ýylyň ýanwar-maý aýlarynda işiniň jemleri jemlenildi
4-nji iýunda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň bäş aýynda ýurdumyzda alnyp barlan işleriň jemleri jemlenildi diýip, TDH habar berýär.
Aşgabatda Türkmenistanyň ýaş ekologiýaçylarynyň bäsleşiginiň jemleri jemlendi
Aşgabadyň “Şamelek” toý mekanynda Çagalary goramagyň halkara gününe bagyşlanan dabaraly çäre geçirildi. Çäräni Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy we “Ýaş tebigatçy” jemgyýetçilik guramasy bilelikde geçirildi.
Türkmenistanyň Prezidenti “Türkmengeologiýa” DK-a uglewodorod serişdeleriniň gözlegini netijeli dowam etmegi tabşyrdy
23-nji maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.
Hökümet mejlisinde gaz pudagynda sanlylaşdyrmak meseleleri maslahatlaşyldy
17-nji maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi diýip, TDH habar berýär.
Sagdyn jemgyýet — sagdyn durmuş
«Türkmengaz» döwlet konserniniň Ylmy-barlag tebigy gaz institutynda wagyz-nesihat çäresi geçirildi. «Türkmengaz», «Türkmennebit» döwlet konsernleriniň, «Türkmengeologiýa» DK-nyň guramaçylygynda sagdyn durmuş ýörelgeleri bilen bagly maslahata toplumyň düzümlerinde zähmet çekýän işgärleridir hünärmenleri gatnaşdy.
