Türkiýäniň ilçisi: Ankara türkmen elektrik energiýasyny günbatar bazaryna daşamakda geçelge bolmaga çalyşýar
25-nji ýanwarda Türkiýäniň Türkmenistandaky Adatdan daşary we Doly ygtyýarly ilçisi Ahmet Demirok özüniň rezidensiýasynda geçirilen press-konferensiýada türkmen tebigy gazyny we elektrik energiýasyny ýakyn günlerde günbatar bazaryna daşamak boýunça işlere başlanmagyna umyt bildirýändigini aýtdy.
«Türkmenistan diňe bir tebigy gazy däl, eýsem bar bolan we gurulýan energiýa öwrüji desgalaryň kömegi bilen elektrik energiýasyny hem eksport etmekde möhüm orun eýeleýär. Ýakyn wagtda türkmen tebigy gazyny we elektrik energiýasyny günbatar bazarlaryna daşamak işlerine başlanar diýip umyt edýäris», diýip, Ahmet Demirok aýtdy.
Ilçiniň bellemegine görä, Türkiýe tebigy gazyny daşamakda amatly koridor we ugur bolup bilerdi.
Demirok Türkiýäniň gaz merkezine öwrülmegi maksat edinýändigini aýtdy. Ilçi sözüniň üstüni ýetirip, "Russiýa bilen baglanyşykly bu ugurdaky işlerimiz dowam edýär, elbetde, biz diňe rus gazy bilen çäklenmek islemeýäris, üpjünçiligi diwersifikasiýa etmek isleýäris" diýip belledi.
Türkiýäniň ilçisiniň Aşgabatdaky rezidensiýasynda geçirilen press-konferensiýa ilçihananyň, Türkmenistanda ykrar edilen daşary ýurt köpçülikleýin habar beriş serişdeleriniň wekilleri, şeýle-de türkmenistanly žurnalistler gatnaşdylar.
Türkiýäniň wise-prezidenti Jewdet Ýylmaz 2023-nji ýylyň dekabrynda Aşgabatda geçirilen türkmen-türk işewürler maslahatynda Türkiýäniň elektrik we tebigy gazy dünýä bazarlaryna ýetirmek üçin täze we örän uly taslamalary bilelikde durmuşa geçirmäge we ösdürmäge taýýardygyny aýtdy.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
