USAID-iň YDA taslamasy Maryda “TechYouth Bootcamp” maksatnamasynyň çäklerinde IT ugurlary boýunça ýaş hünärmenleri taýýarlady
10:03 31.01.2024
Şu ýylyň ýanwar aýynda USAID-iň Häzirki zaman hünärleri ösdürmek taslamasy (YDA) “Akylly hyzmat” hojalyk jemgyýetiniň okuw merkezi bilen bilelikde “TechYouth Bootcamp” maksatnamasynyň Marydaky tapgyryny üstünlikli tamamlady. Alty aýlyk maksatnamanyň çäklerinde gatnaşyjylaryň 33-si şu ugurlaryň biri boýunça hünar aldylar: “IT ulgamlaryna tehniki hyzmat etmek we dolandyrmak” we “Grafiki dizaýny”.
USAID-iň YDA Taslamasynyň “TechYouth Bootcamp” maksatnamasy IT ugurlar boýunça ýaş hünärmenleri taýýarlamaga gönükdirilendir we “bootcamp” formatynda “doly çümmek” görnüşinde intensiw kurslaryny öz içine alýar. Maksatnamanyň esasy maksady ýaşlara hünär almaga we işe ýerleşmäge mümkinçilik bermek.
Maksatnamanyň birinji tapgyry Aşgabatda 2022-nji ýylyň dekabr aýyndan 2023-nji ýylyň iýun aýyna çenli üstünlikli amala aşyryldy. Maksatnamanyň ikinji tapgyry bolsa Maryda 2023-nji ýylyň iýul aýynyň 14-den 2024-nji ýylyň ýanwar aýynyň 17-ne çenli ýerine ýetirildi.
Maksatnamanyň Mary tapgyrynyň uçurymlarynyň 33-si zähmet bazarynda isleg bildirilýän hünarlerine eýe boldular we olaryň 20-den gowragy okuwyň gidip duran döwründe Mary welaýatyndaky öňdebaryjy kompaniýalaryna işe girdiler.
Ýanwar aýynyň 17-de “Akylly hyzmat” hojalyk jemgyýetiniň “Algoritm” okuw merkezinde maksatnamanyň uçurymlaryna okuwy üstünlikli tamamlandyklary barada şahadatnamalar gowşurylyş dabarasy baýramçylyk ýagdaýda geçirildi. Dabarada uçurymlar maksatnamanyň gurnaýjylaryndan we mugallymlaryndan mähirli gutlaglary we üstünlik arzuwlaryny minnetdarlyk bilen kabul etdiler. Iş beriji kompaniýalarynyň wekilleri öz çykyşlarynda gatnaşyjylaryň öz hünärlerini gowy özleşdirendiklerini we olar ýokary derejede taýýarlygyny we höweslerini görkezýändikleri belläp geçdiler.
“TechYouth Bootcamp” maksatnamasynyň Aşgabat we Mary tapgyrlarynyň üstünliklerine esaslanyp, USAID-iň YDA Taslamasy şu ýylyň fewral aýynda bu maksatnamanyň indiki tapgyryny Türkmenabatda amala aşyryp başlaýar.
“TechYouth Bootcamp” maksatnamasy USAID-iň Türkmenistanda ýaşlaryň ukyplaryny ösdürmäge üns berýändigini görkezýän mysal bolup durýar. Ýaşlary gymmatly iş tejribesini toplamak we dürli pudaklarda ulanylýan täze hünärleri ele almak üçin platforma bilen üpjin edip, bu maksatnama olara şu günki bäsdeşlikli zähmet bazarynda üstünlik gazanmaga mümkinçilik berýär.
Ýokary tizlikli awtomobil ýolunyň ugrunda täze AÝGB-ler işe girizildi
Mary welaýatynyň Mary etrabynda Aşgabat-Türkmenabat ýokary tizlikli awtomobil ýolunyň Tejen-Mary böleginiň 309,7-nji kilometrinde iki sany täze Awtoulaglara ýangyç guýujy beket işe girizildi. Olar “Türkmennebit” döwlet konserniniň “Türkmennebitönümleri” baş müdirliginiň Wekilbazar nebit önümleri kärhanasynyň sargydy boýunça guruldy.
“Türkmengaz” DK önümçilik desgalaryny dolandyrmak we maglumatlary toplamak ulgamyny işe girizer
“Türkmengaz” döwlet konserni konserniň önümçilik desgalaryny merkezleşdirilen dessin-dispetçer dolandyryş we maglumat toplaýyş ulgamyny “açary gowşurmak” şerti bilen gurmak boýunça halkara bäsleşigiň deslapky saýlawyny yglan etdi. Bu barada bildiriş “Neýtralnyý Türkmenistan” gazetinde çap edildi.
Çig mala baý Nogaý käni
«Türkmennebit» döwlet konserniniň «Nebitgazburawlaýyş» trestiniň Körpeje buraw işleri müdirliginiň «gara altyn» we «mawy ýangyç» gözleýji burawlaýjy toparlarynyň «Pähim-paýhas ummany Magtymguly Pyragy» ýylynyň her bir aýynda ýerine ýetirýän giň gerimli işleri buýsanç bilen bellenilmäge mynasypdyr.
Nebitgaz toplumynda sport bäsleşikleri guramaçylykly geçirildi
Geçen hepdäniň dowamynda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan nebitgaz toplumynyň işgärleriniň arasynda «Sagdynlyk we bagtyýarlyk» şygary astynda sportuň birnäçe görnüşleri boýunça bäsleşikler geçirildi.
«Türkmengaz» döwlet konserniniň Ylmy-barlag tebigy gaz institutynda wagyz-nesihat duşuşygy geçirildi
«Türkmengaz» döwlet konserniniň Ylmy-barlag tebigy gaz institutynda Türkmenistanyň Halk maslahatynyň, Türkmenistanyň Mejlisiniň, Türkmenistanyň Kärdeşler arkalaşyklarynyň Milli merkeziniň, Türkmenistanyň Zenanlar birleşiginiň merkezi Geňeşiniň hem-de Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň bilelikde guramagynda wagyz-nesihat duşuşygy geçirildi.
