Gazagystanyň we Türkmenistanyň wekilleri gaz pudagynda hyzmatdaşlygy berkitmek meýilnamalaryny maslahatlaşdylar
Gazagystanyň esasy gaz kompaniýasy bolan “NK “QazaqGaz” PJ-niň Müdirýetiniň Başlygy Sanjar Žarkeşow Aşgabada sapar bilen geldi diýip, kompaniýada habar berdiler.
Sişenbe güni, 2-nji aprelde gazak wekiliýetiniň Türkmenistanyň Ministrler Kabinetiniň Başlygynyň orunbasary Batyr Amanow bilen we “Türkmengaz” döwlet konserniniň ýolbaşçysy Maksat Babaýew bilen duşuşygy geçirildi. Gepleşikleriň barşynda taraplar iki ýurduň arasynda gaz pudagynda netijeli gatnaşyklary berkitmek meýilnamalaryny maslahatlaşdylar.
Hususan-da, taraplar gaz känlerini bilelikde özleşdirmek, iki ýurduň çäginde gaz geçirijileriniň gurluşygy we özara bähbitli esasda gaz ibermelerini maslahatlaşdylar. Duşuşygyň netijeleri boýunça taraplar gaz pudagynda strategiki özara gatnaşyklary giňeltmekde hyzmatdaşlyga taýýarlygyny mälim etdiler.
Öň, Gazagystanyň energetika ministri Almasadam Satkaliýew Gazagystanyň energetika howpsuzlygyny üpjün etmek we söwda bähbidi nukdaýnazaryndan elektrik energiýasyny we gaz ibermek boýunça Türkmenistanyň tekliplerine garamaga taýýardygyny mälim etdi.
2023-nji ýylyň noýabr aýynda türkmen halkynyp Milli Lideri Gazagystanyň Prezidenti Kasym-Žomart Tokaýew bilen duşuşygynda türkmen gazyny Gazagystana ibermekde ikitaraplaýyn gatnaşyklary işjeňleşdirmäge Türkmenistanyň taýýardygyny tassyklady.
«QazaqGaz» paýdarlar jemgyýeti magistral gaz geçirijileri we gaz paýlaýjy torlar boýunça harytlyk gazy ibermek boýunça merkezleşdirilen infrastrukturany dolandyrýar, halkara üstaşyr geçirimleri üpjün edýär we içerki hem-de daşarky bazarlarda gaz satmak bilen meşgullanýar. Şeýle hem turba geçirijileri we gaz ammarlaryny işläp taýýarlamak, maliýeleşdirmek, gurmak we ulanmak bilen meşgullanýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
