Türkmenistanyň we Owganystanyň wekilleri TOPH taslamasynyň durmuşa geçirilişini maslahatlaşdylar
Kabulda türkmen wekiliýetiniň Owganystanyň dag magdan we nebit ministriniň wezipesini ýerine ýetiriji Şahabuddin Delawar bilen duşuşyk geçirildi.
“TAPI Pipeline Company Limited” kompaniýasynyň baş direktory Muhammetmyrat Amanow we Türkmenistanyň Kabuldaky ilçisi Hoja Öwezow edaranyň ýolbaşçysy bilen TOPH gaz geçirijisiniň gurluşygynyň taslamasynyň durmuşa geçirilişini we onuň bilen bagly dürli meseleleri jikme-jik maslahatlaşdylar diýip, Owganystanyň dag magdan we nebit ministrligi habar berýär.
Delawar türkmen wekiliýetini mähirli garşy almak bilen, Türkmenistany ýakyn goňşy we dostlukly millet hökmünde häsiýetlendirdi. Ol sebitiň döwletleri, şol sanda Türkmenistan bilen syýasy, ykdysady aragatnaşyklary berkitmegiň Owganystanyň daşary syýasatynyň ileri tutulýan ugrudygyny belledi.
Delawar ikitaraplaýyn gatnaşyklaryň giňeldilmeginiň strategik möhümligini belläp, TOPH taslamasynyň diňe bir Kabul üçin däl, eýsem, taslama gatnaşyjy beýleki üç döwlet üçin hem bähbitlidigini nygtady.
«TAPI Pipeline Company Limited» kompaniýasynyň baş direktory ministrligiň ýolbaşçysy bilen söhbetdeşlikde soňky wagtlarda taslamanyň durmuşa geçirilişiniň barşy barada jikme-jik durup geçdi, onuň amaly hem tehniki jähtlerine üns berdi we geljekki ädimleri belli etdi diýip, Türkmenistanyň Owganystandaky ilçihanasynda bellediler.
Gepleşikler şeýle hem işiň depginlerini tizleşdirmek barada ylalaşyklara getirdi: taraplar taslamanyň ähli taraplaryny netijeli utgaşdyrmak üçin ýörite iş toparlaryny döretmegi ylalaşdylar.
Şeýle hem TOPH taslamasynyň üstünlikli durmuşa geçirilmeginiň dünýä jemgyýetçiligine Owganystanda maýa goýum goýmagyň we iş orunlaryny döretmegiň hakyky mümkinçililiklerini açyp görkezjekdigi nygtaldy.
Delawar Türkmenistanyň ýolbaşçylaryna TOPH taslamasyna goldawy üçin minnetdarlyk bildirdi we ony tiz durmuşa geçirmegiň zerurlygyny nygtap, öz tarapyndan doly goldawy tassyklady.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
“Merkezi Aziýanyň gaz halkasy” — türkmen gazynyň eksportynda goşmaça ugur bolup biler - GGC
«Merkezi Aziýanyň gaz halkasy» taslamasy türkmen gazynyň eksporty üçin goşmaça sebitleýin ugur döredip biler diýip, Global gaz merkeziniň (GGC, Ženewa) ýerine ýetiriji direktory Waleri Dýukro «Türkmenistanyň nebiti we gazy — 2026» atly 31-nji halkara maslahatynda we sergisinde belledi.
