Raýatlarymyzyň saglygyny pugtalandyrmak barada taýsyz tagallalar edilýär
«Şatlyk» keseliň öňüni alyş şypahanasy Mary şäherinden onçakly uzak bolmadyk ýerde, Garagum derýasynyň gyrasynda ýerleşýär. Sagaldyş merkezi dynç alyp, saglygyny berkitmek üçin gelýän raýatlarda turuwbaşdan ýakymly täsir döredýär.
Sagaldyş merkezinde bir, iki, üç adamlyk ýaşaýyş otaglarda raýatlara oňat dynç almak üçin ähli amatlyklar döredilen. Bejeriş otaglary häzirki zamanyň iň kämil keselleri anyklaýyş hem-de bejeriş enjamlary bilen birkemsiz üpjün edildi. Dynç alýanlar üçin lukmanlar tarapyndan bellenilen bejergileri wagtly-wagtynda kabul edip bilmegi üçin oňaýly şertler döredilen. Bejeriş-bedenterbiýe otagy raýatlarymyzyň maşklary ýerine ýetirip, saglygyny berkitmegi üçin dürli enjamlar bilen enjamlaşdyrylan.
Sagaldyş merkezi 6,3 gektar meýdany tutýar. Şonuň esasy bölegi dürli saýaly hem-de miweli baglar bilen gurşalan, dynç alyş meýdançalary, gezim ýodalary birkemsiz abadanlaşdyrylan. Her tapgyrda bir ýüz dört adamy kabul edýän şypahanada her ýylda gaz pudagynda, beýleki ulgamlarda zähmet çekýän, şeýle hem hormatly dynç alşa çykan adamlaryň iki müňe golaýy dynç alýar we saglygyny berkidýär.
Şypahananyň lukmanlarydyr beýleki saglygy goraýyş işgärleri her bir raýaty gelen gününden üns-alada, hoş söz bilen garşylap, ähli amatlyklary bolan ýaşaýyş otaglaryna ýerleşdirýärler. Iňňe refleks terapiýasy, owkalama, ozokerit ýapgylary, ýer astyndan, bir müň dört ýüz metr çuňlukdan çykýan kükürtli-wodorodly suw, Mollagara bejeriş palçygy şypahananyň esasy saglygy berkidiş serişdeleridir. Raýatlar lukmanlar tarapyndan bellenilýän bejergileri kabul etmek bilen, daýanç-hereket, ýürek-damar ulgamlarynyň, böwrek-peşew ýollarynyň, merkezi we periferiki nerw ulgamynyň dertlerinden saplanyp, şypa tapýarlar.
Şypahananyň jana ýakymly howa gurşawyny emele getirýän belent başly baglaryň saýasynda ir säherde, agşamlaryna gezim etmek, oturyp dynç almak, Garagum derýasynyň suwunyň üstünden öwüsýän päkize, sergin howadan dem almak raýatlara rahatlyk, şähdaçyklyk eçilip, olaryň saglygyny dikeltmegine oňaýly täsir edýär.
Sagaldyş merkezinde dynç almak üçin hem, dertden saplanmak üçin hem ähli şertler bar. Şypahananyň saglygy goraýyş işgärleri bu ýere gelýän her bir raýaty üns-alada bilen gurşap, olaryň saglygynyň dikelmegi üçin ýadawsyz zähmet çekýärler.
Raýatlarymyzyň saglygyny pugtalandyrmak, ömür dowamlylygyny uzaltmak barada taýsyz tagallalary edýän Gahryman Arkadagymyzyň jany sag, ömri uzak, belent başy aman bolsun!
Söhbet AMANMÄMMEDOW,
Magtymguly adyndaky Türkmen döwlet uniwersitetinyň talyby.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
