Aşgabat — Türkmenistanyň Prezidentiniň şähergurluşyk syýasatynyň beýany
Aşgabady ösdürmek we abadanlaşdyrmak meselesi Türkmenistanyň Prezidenti Serdar Berdimuhamedowyň hemişe üns merkezinde durýar, döwlet Baştutanymyz halkymyz baradaky aladany amala aşyrýan syýasatynyň esasy ugry hökmünde kesgitledi. Hormatly Prezidentimiziň baştutanlygynda türkmenistanlylaryň durmuş derejesini we hal-ýagdaýyny gowulandyrmaga gönükdirilen maksatnama işlenip taýýarlanyldy.
Şol maksatnamanyň çäklerinde paýtagtymyzda şäheriň ilaty üçin amatly şertleri döretmäge gönükdirilen giň gerimli şähergurluşyk meýilnamasy işjeň amala aşyrylýar.
Hormatly Prezidentimiz Serdar Berdimuhamedowyň başlangyçlary netijesinde gözel paýtagtymyz Aşgabat günsaýyn özgerýär. Şäherde täze ýaşaýyş jaýlary, durmuş maksatly desgalar, awtomobil ýollary we seýilgähler gurulýar. Köp sanly suw çüwdürimleri bolan seýilgählerdir seýilbaglaryň içinde gür baglyga bürenen Aşgabadyň gözelligi dünýäniň ýaşamak üçin iň owadan we amatly şäherleriniň birine öwrülmegine sebäp boldy. Bu hakykat Türkmenistanyň ajaýyp üstünlikleriniň we gazananlarynyň halkara derejesinde ykrar edilmeginiň subutnamasyna öwrüldi.
Paýtagtymyzy abadanlaşdyrmaga uly möçberde serişde goýberilýär, onuň çäkleri bolsa yzygiderli giňelýär. Şäherde köp sanly durmuş maksatly desgalar: ýokary we orta okuw mekdepleri, saglygy goraýyş edaralary, çagalar baglary, sport toplumlary, söwda merkezleri, ýaşaýyş jaýlary we beýleki desgalar gurulýar. Olaryň taslamalary işlenip düzülende we gurlanda durmuş derejesiniň ýokary ölçegleriniň berjaý edilmegine aýratyn üns berilýär, bu bolsa, her bir türkmenistanlynyň Arkadagly Gahryman Prezidentimize, Milli Liderimize bolan buýsançlaryny has-da belende göterýär.
Bu gün ak mermerli Aşgabady binagärlik toplumlarynyň ençemesi bezeýär. Hususan-da, şäher ilatynyň we myhmanlaryň göwnejaý dynç almagy üçin amatly şertleri döretmek maksady bilen, umumy meýdany 50 gektara deň bolan «Türkmenistanyň Garaşsyzlygynyň 15 ýyllygy» seýilgähiniň durky täzelenilýär. Şol işiň çäklerinde ýerüsti pyýada geçelgeleri, welosiped ýodalary, dynç alyş telärleri şeýle hem döwrebap yşyklandyryş ulgamy gurulýar. Seýilgähiň çäklerinde bag ekmek işleri hem işjeň alnyp barylýar.
Hormatly Prezidentimiziň teklipleri esasynda paýtagtymyzda belent ýaşaýyş jaýlary bilen birlikde kottejler hem gurulýar, bu bolsa, raýatlarymyz üçin ýaşaýyş jaýyny saýlap almak mümkinçiligini artdyrýar.
Aşgabat sazlaşykly ösýän şäheriň täsin nusgasynyň aýdyň beýany bolup durýar. «Magtymguly Pyragy» medeni-seýilgäh toplumy paýtagtymyzyň aýratyn bezegine öwrülip, onuň düzümine Merkezi Aziýada iň beýik monumentleriň biri — şahyryň 60 metre barabar bolan ýadygärligi girýär. Dürli ýurtlaryň meşhur ýazyjylarynyň we şahyrlarynyň 24 sany heýkellerini özünde jemleýän toplum beýik şahyrymyz Magtymguly Pyragynyň 300 ýyllygynyň hormatyna Arkadagly Prezidentimiz Serdar Berdimuhamedowyň gatnaşmagynda açyldy.
Türkmenistanyň we dünýäniň dürli künjeginde ýaşaýan adamlar bu gün gözel Aşgabadyň owadanlygyna guwanýar, baş şäherimiz seýilgähleri, seýilbaglary we dürli reňkli gülleriň aýmançalary bilen gözüňi dokundyrýar. Özboluşly yşyklandyryş bezegi, köçeleriň arassalygy we tämizligi şäheriň ýaşaýjylary üçin hem, daşary ýurtly adamlar üçin hem myhmansöýerlik ruhuny döredýär.
Paýtagtymyzda amala aşyrylýan giň gerimli özgertmeler — hormatly Prezidentimiz Serdar Berdimuhamedowyň hem-de türkmen halkynyň Milli Lideri Gurbanguly Berdimuhamedowyň alyp barýan şähergurluşyk syýasatynyň aýdyň beýany bolup durýar. Halkymyzyň abadançylygyna, onuň durmuş derejesini ýokarlandyrmaga we iň gowy durmuş şertlerini döretmek baradaky alada gönükdirilen şol taslamalar Türkmenistanyň gazananlarynyň we «Döwlet adam üçindir!» diýen şygarda öz beýanyny tapýan syýasaty amala aşyrmakda ýetilýän sepgitleriň aýdyň subutnamasy bolup durýar.
Ussa USSAÝEW,
«Nebit-gaz» gazetiniň baş redaktory.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
