Türkmenistan kükürtsiz tebigy gazy gözlemek üçin geologiýa-gözleg burawlaýyş işlerini giňeldýär
«Türkmengeologiýa» döwlet korporasiýasy ýurdumyzyň dürli sebitlerinde ýerleşýän birnäçe nebitgazly meýdançalarda kükürtsiz tebigy gazyň gözlegine aýratyn üns berip, giň gerimli geologiýa-gözleg we ulanyş burawlaýyş işlerini alyp barýar. Işler «Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynyň» çäklerinde amala aşyrylýar. Oňa laýyklykda nebitiň hem-de tebigy gazyň çykarylyşyny düýpli artdyrmak göz öňünde tutulýar.
Nebit we gaz gözleg-barlag guýularyny burawlamak işlerini «Türkmengeologiýa» döwlet korporasiýasynyň ýöriteleşdirilen nebitgaz gözleg ekspedisiýalary amala aşyrýar. Hormatly Prezidentimiz Serdar Berdimuhamedowyň tabşyrygy esasynda korporasiýanyň maddy-enjamlaýyn binýadyny pugtalandyrmaga uly üns berilýär.
Nebitgaz pudagyny ösdürmegiň möhüm wezipeleriniň hatarynda diňe bir täze ýataklary açmak däl-de, eýsem ozal açylan ýataklary özleşdirip ulanyşa girizmek, känleri rejeli işläp taýýarlamak we olardan nebitiň hem-de gazyň çykarylyşyny artdyrmak hem durýar.
Şu ýyl nebitgaz pudagynda birnäçe ähmiýetli waka boldy: Türkmenistan bilen Hytaý Halk Respublikasynyň arasynda nebitgaz ulgamynda hyzmatdaşlygyň 20 ýyllygy bellenilip geçildi, şeýle hem dünýädäki iri gaz känleriniň biri bolan «Galkynyş» gaz känini özleşdirmegiň dördünji tapgyryna badalga berildi. Dördünji tapgyryň çäginde ýylda 10 milliard kub metr harytlyk tebigy gazy taýýarlaýan desgalary gurmak, şeýle hem degişli gaz guýularyny burawlap ulanyşa girizmek göz öňünde tutulýar.
Döwlet Baştutanymyzyň tagallasy bilen täze ýataklary gözlemek we açmak, olary özleşdirmek, daşary ýurt nebitgaz kompaniýalary bilen hyzmatdaşlygy giňeltmek, maýa goýumlaryny çekmek, şeýle hem sanly tehnologiýalar esasynda häzirki zaman enjamlaryny ulanyp geologiýa-gözleg işlerini geçirmek boýunça işler uly depginde alnyp barylýar.
Ýangyç-energetika toplumynyň çig mal binýadyny pugtalandyrmakda guwandyryjy zähmet ýeňişleri
«Garaşsyz, baky Bitarap Türkmenistan — bedew batly at-myradyň mekany» ýylynda mukaddes Garaşsyzlygymyzyň şanly 35 ýyllyk toýuna giňden taýýarlyk görülýän günlerde milli ykdysadyýetimiziň beýleki pudaklarynda bolşy ýaly, nebitgaz toplumynda hem guwandyryjy zähmet ýeňişleri gazanylýar.
Umumymilli foruma taýýarlygyň çäklerinde maslahat geçirildi
Watanymyzyň ösüş ýolunda täze belentliklere tarap ynamly gadam urýan döwründe Garaşsyz, hemişelik Bitarap Türkmenistanda ýurdumyzyň iň ýokary wekilçilikli edarasy bolan Türkmenistanyň Halk Maslahatynyň nobatdaky mejlisine taýýarlyk işleri işjeň ýagdaýda alnyp barylýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
