Aşgabyň Botanika bagynda çeper elleri bilen döredilen ownuk önümleriň ýörite bazary geçirildi
Geçen ýekşenbe gününde aşgabyň Botanika bagynda türkmen ussalarynyň çeper elleri bilen döredilen ownuk önümleriň ýörite bazary – “El hünäri” geçirildi, diýip «Türkmenistan altyn asyr» saýty habar berýär. Ol, oglanlar üçin gips şekillerini reňklemegiň, gyzlar üçin bolsa monjuklardan we hünjülerden bilezik ýasamagyň ussatlyk sapagy bilen başlandy. Olaryň gabat garşysynda bolsa ýüz-gözlerine reňk çaldyrmak – döwrümiziň ýoň bolan bezeginden peýdalanmak isleýän kiçijik modaçylar hatara düzüldi.
Bu bazarda her ädimde gudrat gabat gelýärdi. Mysal üçin, şaý-sepler toplumy bilen çykyş edýän Luiza Sabitowa täze bir zat – ýelpewaç görkezdi. Milli nagyş elementleri bilen bezelen ýelpewajy Luiza ikitaraplaýyn ýasapdyr, ýöne iň gyzykly ýeri ol ýelpewajyň ýokarky bölegini tawus ýelekleri bilen bezemegidir – hut şa ýelpewajy bar-da!
Örme gurjaklar toplumynyň ýanynda çagalar has köp üýşdüler. Olar multfilmleriň gahrymanlaryny biri-birinden öňürdip tanap başladylar. Adybir multfilmden “Buba”, “Monstrlar uniwersitetinden” Maýkl Wazowskiý, “Arielden” suw perijigi, “Zebra kapasa” we beýlekilerdir. Galina Rožkowa hünäri boýunça inžener, ýöne ol öýde çaga seredip, gyzy bilen multfilm görmäge endik edipdir. Ine, şonda-da reňkli ýüplüklerden owadan multfilm gahrymanlaryny örmek pikiri ýüze çykypdyr. Netije geň galdyryjy derejede şowly çykypdyr!
– Joramyňky ýaly bilezik isleýärin! – diýip, bir myhman Natalýa Kalugina ýüzlendi.
– Olar ýalysy eýýäm gutardy. Ýöne biraz garaşmaga wagtyňyz bar bolsa, men häzir ýüzugra ýasap bilerin, eger bolmasa, tanyşlyk kartymy alyp, ussahana geläýiň. Ýogsa-da, bilezigiň bagjygyny özüm oýlap tapdym we oňa “Erkinlik” diýip at dakdym, sebäbi şunuň ýaly bagjygy bolan kişi kesekiniň kömegine mätäç bolmaz.
Diýseň arzan bahadan – biri 5 manatlyk bilezikden doly ullakan guty gyzlary magnit ýaly özüne çekýärdi.
Küýzeli howzuň ýanynda halk üýşüp dur. “Ine, biri! Ýene biri!” diýip, çagalar bäsleşýän ýaly gygyrýardylar. Süýji suw pyşbagalary kä ýüzüp, howzuň gyrasyna gelýärdiler, käte-de suw liliýalarynyň ýapraklarynyň astynda gizlenýärdiler. Olar oýun bilen gelenleri güýmäp, myhmanlara hezil berýärdiler.
Bu aralykda ýaş myhmanlaryň arasyndan biri Botanika seýilgähiniň köçebagynda asfaltda toýnak kakýan at üstünde aýlanýardy. Beýleki çagalar reňkli paýtuna münmek üçin, ata-eneleri bilen nobata durdular.
Tebigatda işdäsi açylanlar üçin kafe-de bardy. Şol gün bu baga gelýänleriň akymy gaty uludy. Ýekşenbede maşgala bolup dynç almak çagalar üçinem, ene-atalar üçinem gyzykly boldy.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy.
Ýerasty suw ýataklarynyň gor baýlygy artdyrylýar
«Türkmengeologiýa» döwlet korporasiýasynyň ýurdumyzyň welaýatlaryndaky gidrogeologiýa ekspedisiýalarynyň işgärleri halkymyzy gündelik arassa agyz suwy bilen üpjün etmek babatda möhüm işleri durmuşa geçirýärler. «Marygidrogeologiýa» ekspedisiýasynyň işgärleriniň alyp barýan işleri hem şunuň bir mysalydyr.
Türkmenistanyň erkin göreşçileri okuw-türgenleşik ýygnanyşyklaryny geçirdiler
2026-njy ýylyň awgust aýynda Mary we Aşgabat şäherlerinde erkin göreş boýunça geçirilen tapgyrlaýyn okuw-türgenleşik ýygnanyşyklary sport ussatlygyny ýokarlandyrmaga, tejribe alyşmaga hem-de pälwanlaryň geljekki ýaryşlara fiziki taýýarlygyny pugtalandyrmaga gönükdirildi.
