TOPH gaz geçirijisi tutuş sebite bähbit getirer, şol sanda üstaşyr geçirim üçin Owganystana 1 mlrd dollar getirer — Pakistanyň DIM-niň ýolbaşçysy
Türkmenistan-Owganystan-Päkistan-Hindistan (TOPH) gaz geçirijisiniň taslamasy tutuş sebite peýda getirer we bu taslama tamamlanandan soň Owganystanyň gaznasyna diňe üstaşyr töleglerden 1 milliard ABŞ dollar geler, bu barada Pakistanyň Daşary işler ministri Şah Mahmud Kureşi penşenbe güni aýtdy diýip, Pakistan neşiri Daily Times belleýär.
Daşary işler ministri Türkmenistanyň Prezidenti Gurbanguly Berdimuhamedow bilen Aşgabatda bolan duşuşygyndan soň metbugat wekilleri bilen söhbetdeşliginde, bu taslamanyň üsti bilen 2 müň iş ornunyň döredilmegine garaşylýandygyny belledi.
Ýokary derejeli diplomat TOPH taslamasyny Türkmenistanyň Prezidenti bilen ara alyp maslahatlaşandygyny we Pakistanyň TOPH ýaly dürli taslamalar arkaly ykdysady gatnaşyklary pugtalandyrjakdygyny aýtdy.
Owganystandaky ýüze çykan islendik durnuksyzlyk Pakistana we beýleki goňşy döwletlere ýaramaz täsir eder diýip, Daşary işler ministri belledi. Şunuň bilen baglylykda, Owganystandaky ýagdaýlary ara alyp maslahatlaşmak üçin ýakyn wagtda onuň goňşy döwletleriniň Daşary işler ministrleriniň ýygnagynyň geçirilmegi göz öňünde tutulýar diýip, Kureşi sözüniň üstüni ýetirdi.
Öň, Hereketiň Katardaky syýasy edarasynyň resmi wekili Mohammad Suheýl Şahin «Taliban» hereketiniň Türkmenistan – Owganystan – Pakistan – Hindistan gaz geçirijisiniň we beýleki iri taslamalaryň durmuşa geçirilmegine gyzyklanma bildirýändigini habar berdi.
Türkmenistanly mugallym Ýaponiýada wodorod energetikasy boýunça ylmy-barlaglary geçirer
Ýagşygeldi Kakaýew adyndaky Halkara nebit we gaz uniwersitetiniň Himiýa tehnologiýasy we ekologiýa fakultetiniň Senagat ekologiýasy kafedrasynyň mugallymy Baýram Welhanow Ýaponiýanyň Sukuba uniwersitetinde magistr okuw maksatnamasy boýunça bilim alýar we wodorod energetikasy ugrunda ylmy-barlaglary alyp barýar.
Türkmenistanyň nebitgaz toplumynda dokuz aýyň jemlerine garaldy
3-nji oktýabrda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen dokuz aýynda ýerine ýetirilen işleriň jemine bagyşlanan hasabat ýygnagy geçirildi.
Serdar Berdimuhamedow: — Ýurdumyzy ykdysady we senagat taýdan ösdürmek boýunça alyp barýan işlerimizi dowam ederis
23-nji sentýabrda Aşgabatda «Maslahat köşgi» köşgünde türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň ýolbaşçylygynda Türkmenistanyň Halk Maslahatynyň nobatdaky mejlisi geçirildi diýip, TDH habar berýär.
Türkmenistanyň nebitgaz toplumynyň wekilleri HUAWEI CONNECT 2026 halkara sergisine gatnaşdylar
Türkmenistanyň Prezidenti Serdar Berdimuhamedowyň paýhasly ýolbaşçylygy we goldawy bilen Türkmenistanyň nebitgaz toplumyny döwrebaplaşdyrmak we sanly ulgama geçirmek boýunça giň gerimli özgertmeler üstünlikli amala aşyrylýar.
Türkmenistanyň Pakistandaky ilçisi iri sebit taslamalarynyň barşy barada aýtdy
Türkmenistanyň Pakistandaky ilçisi Atajan Möwlamow Yslamabatda Lahoryň Söwda-senagat edarasy tarapyndan guralan «Ambassadors' Dinner 2026» atly däp bolan diplomatik agşamlyk naharyna baş myhman hökmünde gatnaşdy.
