Türkmenistan dünýä metbugatynyň üns merkezinde
Türkmenistanyň we Hytaý Halk Respublikasynyň gaz ulgamynda hyzmatdaşlygy daşary ýurtlaryň işewür toparlarynyň wekillerinde we dünýä metbugatynda aýratyn gyzyklanma döredýär. Hytaýly hyzmatdaşlaryň «Galkynyş» gaz käninde täze guýulary gurmaga girişendigi baradaky habar munuň şeýledigini nobatdaky gezek tassyklady. Bu waka mynasybetli geçirilen dabaralara Mary welaýatyna amala aşyran iş saparynyň çäklerinde hormatly Prezidentimiz gatnaşdy.
Bu waka baradaky habarlary ABŞ-nyň, Beýik Britaniýanyň, Russiýanyň, Ýakyn Gündogar we GDA ýurtlarynyň habar beriş serişdeleri — «Associated Press», «Reuters», Nebitgaz habarlary agentligi, Nebitgaz serwisiniň milli assosiasiýasy, «OilCapital», «Neftegaz.RU», «Nebitgaz wertikaly», «AKIPRESS», «Interfaks-Azerbaýjan», «Trend», «CentralAsia.news», «SNGToday», ZAWYA, «Аrabtimes», «Naturalgasworld» we beýleki habarlar agentlikleri, gazetler, belli internet-neşirleri çap etdiler.
«Türkmenistanyň we Hytaýyň hyzmatdaşlygy dürli ugurlarda uly mümkinçiliklere eýe bolup, olaryň amala aşyrylmagy diňe özara bähbitlere däl-de, eýsem, tutuş Merkezi Aziýa sebitiniň ösüş maksatlaryna hem kybap gelýär» diýip, žurnalistler hormatly Prezidentimiz Gurbanguly Berdimuhamedowyň sözlerini mysal getirýärler.
«Türkmenistan Hytaýy strategik hyzmatdaşy hasaplaýar, taraplaryň ikisi hem energetika ulgamynda hyzmatdaşlygyň baý tejribesini topladylar. Merkezi Aziýa — Hytaý gaz geçirijisiniň ulanmaga berlen wagtyndan bäri geçen 11 ýylyň dowamynda Türkmenistan HHR-e gazyň 300 milliard kubmetrden gowragyny iberdi» diýip, HHR-iň «China Petroleum News», «China Power News Network», «Beijing Daily» we beýleki habar beriş serişdeleri öz habarlarynda belleýärler.
«Galkynyş» gaz käninde guýularyň üçüsini burawlamak boýunça taslama badalga berilmegi energetika ulgamynda iki ýurduň hyzmatdaşlygyny pugtalandyrmakda täze ädimi alamatlandyrýar. Hytaý Türkmenistan bilen strategik hyzmatdaşlygy ähli ugurlarda ösdürmäge taýýardyr, bu hyzmatdaşlyk iki ýurda we olaryň halklaryna uly peýda getirer diýip, neşirler HHR-iň Türkmenistandaky Adatdan daşary we Doly ygtyýarly ilçisi Sýan Naýçeniň dabarada eden çykyşyna salgylanýarlar.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
