Türkmenistan Gruziýa nebit önümlerini iberilen möçberi boýunça ilkinji gezek birinji orny eýeledi
Gruziýanyň Nebit önümleri boýunça importçylar birleşiginiň habar berşi ýaly, şu ýylyň sekiz aýynda Gruziýa awtoulag benzininiň we dizel ýangyjynyň 743,7 müň tonnasyny satyn aldy. Geçen ýylyň şol döwri bilen deňeşdireniňde daşary ýurtlarda şol nebit önümleriniň satyn alnyşy 4 göterime golaý artdy.
Awtoulag benzininiň we dizel ýangyjynyň iberilen möçberi boýunça Türkmenistan ilkinji gezek birinji orny eýeledi. Şol nebit önümlerini uly möçberde iberýän döwletleriň hataryna häzir Russiýa, Azerbaýjan, Rumyniýa we Bolgariýa girýär.
Hususan-da, ýanwar-awgust aýlarynda biziň ýurdumyzdan gruzin bazaryna awtoulag benzininiň we dizel ýangyjynyň 170 müň tonna golaýy baryp gowuşdy. Bu görkeziji 2019-njy ýylyň 8 aýy bilen deňeşdireniňde 100 müň tonna köpdür.
Deňeşdirmek üçin: 2020-nji ýylyň dowamynda Türkmenistan Gruziýa awtoulag benzininiň we dizel ýangyjynyň 105 müň tonna golaýyny iberdi, 2019-njy ýylda bolsa, ýagny dünýä ykdysadyýetinde dörän çökgünlige çenli iberilen şol önümleriň umumy möçberi 119, 4 müň tonna deň boldy.
Türkmenistanyň Gruziýa iberýän uçar kerosininiň möçberleri boýunça hem köp ýyllaryň dowamynda birinji orny eýeleýändigini bellemek gerek.
«Eni Turkmenistan Limited» kompaniýasy bäsleşige gatnaşmak üçin arzalary kabul edip başlady
«Eni Turkmenistan Limited» kompaniýasy №10123191 belgili bäsleşige gatnaşmak üçin resminamalary kabul etmegiň deslapky tapgyrynyň başlandygyny habar berýär. Taslama enjamlary düýpli abatlamak boýunça hyzmatlary bermegi we zerur bolan ätiýaçlyk şaýlarynyň üpjünçiligini göz öňünde tutýar diýip, Turkmenportal neşiri habar berýär.
Türkmenistanyň Prezidenti nebitgaz toplumynda ýokary derejeli hünärmenleri taýýarlamak boýunça teklibi goldady
23-nji ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Bu barada TDH habar berýär.
Türkmenistanyň Prezidenti TNGIZT-ni döwrebaplaşdyrmak bilen bagly teklibi goldady
16-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy. Bu barada TDH habar berýär.
Türkmenistanyň Prezidenti 2026-njy ýylda nebitgaz toplumynyň işi boýunça meýilnamalary makullady
9-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. “Garaşsyz, baky Bitarap Türkmenistan — bedew batly at-myradyň mekany” ýylynda ilkinji gezek geçirilýän mejlisde döwlet durmuşyna degişli birnäçe meselelere garaldy diýip, TDH habar berýär.
Ýylyň şygaryna bagyşlanan dabaraly maslahat geçirildi
“Türkmennebit” döwlet konserniniň Balkanabat nebitçilik orta hünär okuw mekdebinde mugalumlaryň we talyp ýaşlaryň hem-de jemgyýetçilik guramalaryň gatnaşmagynda 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» diýlip atlandyrylmagy mynasybetli hem-de ýylyň nyşanynyň many-mazmunyny giňden wagyz etmek maksady bilen aýdym-sazly dabaraly maslahat geçirildi.
