Rahman Hudaýberdiýew özüniň ajaýyp aýdymlary bilen halkymyzyň armasyny ýetirýär
«Türkmengaz» döwlet konserniniň Medeni-işewürlik merkeziniň aýdymçysy Rahman Hudaýberdiýew indi ençeme ýyl bäri ýurdumyzda bellenilýän toýdur baýramlarda özüniň ajaýyp aýdymlary bilen çykyş edip, halkymyzyň armasyny ýetirip gelýär.
Ýurdumyzda giňden bellenilen mukaddes Garaşsyzlygymyzyň 30 ýyllyk toýunyň öňüsyrasynda hormatly Prezidentimiziň Permany bilen Rahman Hudaýberdiýewe «Türkmenistanyň at gazanan artisti» diýen hormatly at dakyldy. Biz Rahmany mynasyp bolan hormatly ady bilen gutlap, onuň bilen söhbetdeş bolduk.
— Rahman, sözümiziň başynda sizi hormatly ada mynasyp bolmagyňyz bilen tüýs ýürekden gutlaýarys!
— Sag boluň! Men hem hormatly Prezidentimiziň baştutanlygynda döwletimizde gazanylýan ösüşleri aýdymdyr sazlar bilen wasp edýärin. Kärime söýgim, yhlasym hünärimde şeýle üstünligi, maşgalama bolsa bagty, agzybirligi getirdi.
— Okyjylarymyza aýdym-saz älemine gelşiňiz dogrusynda gürrüň beräýseňiz!
— Sungata, aýratyn hem aýdym-saza bolan söýgi mende çagalykdan başlady. Ýedi ýaşymda ilkinji gezek aýdym aýtdym. Orta mekdepde okuwçylaryň arasynda geçirilýän aýdym-saz bäsleşiklerine, baýramçylyk dabaralaryna gatnaşyp, çagalar, güneşli Diýarymyz hakda döredilen aýdymlary aýdýardym.
2006-njy ýylda Ahal welaýatynyň Ak bugdaý etrabynyň 11-nji orta mekdebini üstünlikli tamamladym. 2008-nji ýyldan başlap aýdym-sazda maňa ilkinji halypalygyny eden Nurmuhammet Meredowyň ýanyna gatnap, ondan aýdym aýtmagyň inçe syrlaryny, sahnada özüňi alyp barmagyň medeniýetini, sazandalaryň çalýan şirin sazlaryny yzarlamagy, oňa düşünmegi öwrendim.
Türkmen döwlet medeniýet institutynda talyplyk ýyllarym halypa mugallymlarymyzdan hem köp zatlary öwrendim.
— Siziň aýdymlaryňyzyň köpüsi ýaşlyk ýatlamalary, ýaşlygyň hyjuwly duýgulary bilen diňleýjini gurşap alýar.
— Ýaşlyk ýatlamalary hakynda aýdanymyzda, bu ýakymly pursatlar ynsany islendik wagt hem terk etmeýän, duýgularyň iň ajabyna, iň näzigine ýugrulan pursatlardyr. Her bir çeperçilik, döredijilik ugrunyň öz matlaby, ynsana aňlatmak isleýän çeper beýany bolýar. Ol beýan haýsy döwri, haýsy wakany öz içine alýandygyna garamazdan, bir zady maksat edinýär: beýik adamkärçilik ruhuny kemala getirmek, ynsany dogry ýola, dogry çözgütlere gönükdirmek. Oňa bolsa duýgular, ýatlamalar bilen ýetmek has täsirli hem lezzetli bolýar.
— Durmuşyňyzda ýatdan çykmajak günler bolandyr...
— Adam ömri ýatda galyjy, gyzykly wakalardan doly bolýar. Şeýle günler meniň hem durmuşymda birnäçe gezek boldy. Durmuşymyň bagtly günleri diýip, durmuş toýuny tutup, perzentlerimiň dünýä inmegi, şeýle-de 2012, 2013, 2020-nji ýyllarda Türkmenistanyň Prezidentiniň «Türkmeniň Altyn asyry» atly bäsleşiginde ýeňiji bolup, Gahryman Arkadagymyzyň Şa serpaýyna mynasyp bolan günlerim meniň durmuşymda ýatdan çykmajak günler bolup, serpaýyň gowşurylan pursady kalbymdaky buýsanç duýgulary dünýäme nur bolup çaýyldy.
— Kalbyňy joşa salýan zatlar bardyr?
— Meni şirin sazlary diňlemegi gowy görýärin. Tyllaýy öwsüp gelýän güýz paslyny halaýaryn, bu pasyl hakyndaky ýazylan goşgular, ýerine ýetirilýän aýdymlar kalbyma aýratyn ýakyn.
— Öňde goýan maksatlaryňyz barada hem aýtsaňyz!
— Zähmetsöýer halkymyza, bize döretmäge ähli mümkinçilikleri döredip berýän Gahryman Arkadagymyzyň özümiz hakyndaky edýän aladalaryna, bize bildirýän ynamyna jogap edip, arman-ýadaman Watanymyza hyzmat etmek baş maksadymdyr.
— Rahman, beren gyzykly gürrüňleriňiz üçin köp sag boluň!
Söhbetdeş bolan Şamyrat
MUHAMMETGURBANOW,
žurnalist.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
