Türkmenistanyň wekiliýeti Glazgoda Howanyň üýtgemegi boýunça BMG-niň maslahatyna gatnaşar
Türkmenistanyň ýokary derejedäki wekiliýeti Glazgoda Howanyň üýtgemegi boýunça BMG-niň maslahatyna (COP26) gatnaşar. Sapara görülýän taýýarlyk barada Türkmenistanyň Hökümet wekilleri sişenbe güni BMGÖM-niň we Beýik Britaniýanyň ilçihanasynyň gatnaşmagynda howa babatda hereketler boýunça geçirilen onlaýn-maslahatda habar berdiler. Bu barada BMGÖM Türkmenistanyň metbugat beýanynda aýdylýar.
Duşuşygyň barşynda COP26 boýunça täze maglumatlar alşyldy, zyýanly zyňyndylaryň azaldylmagy we howanyň üstgemeginiň netijelerine uýgunlaşmak boýunça ýurduň tagallalaryny görkezýän milli derejede goşantlary alamatlandyrýan hereketler maslahatlaşyldy. Pariž ylalaşygynyň düzgünlerine laýyklykda, oňa gatnaşyjylaryň her biri BMG-niň howa boýunça Sekretarlygyna öz hasabatlaryny, gazanmak isleýän netijeleriniň maglumatlaryny taýýarlaýar.
Maslahata BMGÖM-niň Türkmenistandaky hemişelik wekili Narine Saakýan we Beýik Britaniýanyň Türkmenistandaky ilçihanasynyň ýolbaşçysynyň orunbasary Jon Hamilton gatnaşdy.
«Glazgoda COP26 maslahatynda ýokary derejedäki gepleşiklerde bitewi, deňagramly netijeleri gazanmak üçin ähli ýurtlaryň birleşmegi gerek. Glazgodaky maslahatda ähli meselelere seredilip geçiler we taraplaryň hiç biri çetde galdyrylmaz» - diýip, Hamilton aýtdy.
Ol COP26-e taýýarlyk görmek işinde Türkmenistana goldaw bermekde Beýik Britaniýanyň Türkmenistandaky ilçihanasynyň BMG-niň, BMGÖM-niň hemişelik utgaşdyryjysy we milli hyzmatdaşlar bilen işjeň hyzmatdaşlyk etmäge taýýardygyny belledi.
«Biz geljek ýyllarda howanyň üýtgemegine garşy Türkmenistanyň Hökümetiniň milli tagallalaryny mundan beýläk hem goldamak üçin pikirdeş taraplaryň ählisi bilen işleşmäge taýýar.
COP26 Şotlandiýanyň Glazgo şäherinde 31-nji oktýabrda badalga alýar we 12-nji noýabra çenli dowam eder. Garaşylyşy ýaly, oňa 200-den gowrak döwletiň wekilleri, şol sanda dünýä liderleri, bilermenleri gatnaşar.
Dünýä liderleriniň Glazgodaky duşuşygy 1-2 noýabra bellenildi. Sammitiň dowamynda bug zyňyndylarynyň azaldylmagy we uglerod bitaraplygyny gazanmak boýunça birnäçe resminamalary kabul etmek meýilleşdirilýär.
Nebitgaz toplumynda ýylyň ýedi aýynyň jemlerine garaldy
Halkara parahatçylyk we ynanyşmak ýylynyň 28-nji iýulynda Türkmenistanyň nebitgaz toplumynyň merkezi binasynda ýylyň ýedi aýynda ýerine ýetirilen işleriň jemlerine bagyşlanan hasabat ýygnagy geçirildi.
Nebitgaz toplumynda ýylyň alty aýynyň jemlerine garaldy
Halkara parahatçylyk we ynanyşmak ýylynyň 12-nji iýulynda Türkmenistanyň nebitgaz toplumynyň merkezi binasynda alty aýda ýerine ýetirilen işleriň jemlerine bagyşlanan hasabat ýygnagy geçirildi.
Ýangyjyň tygşytly sarp edilişi
Awtoulagda ýangyjy tygşytly sarp etmek işinde sürüjä esasy orun degişlidir. Şol bir awtoulagda we belli bir ugurda dürli topara degişli sürüjileriň ýangyjy biri-birinden 20 — 25 göterim tapawutly sarp edýändigi synaglar üsti bilen tassyk edilendir.
Türkmenistanyň wekiliýeti Germaniýa bilen hyzmatdaşlygy pugtalandyrýar
23–28-nji iýun aralygynda Türkmenistanyň Energetika ministrliginiň, Bilim ministrliginiň hem-de Döwlet energetika institutynyň wekillerinden düzülen wekiliýeti Germaniýa Federatiw Respublikasyna tanyşlyk saparyny amala aşyrdy.
Hökümet mejlisinde nebitgaz toplumynyň 2025-nji ýylyň ýanwar-maý aýlarynyň jemleri jemlenildi
4-nji iýunda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň bäş aýynda ýurdumyzda alnyp barlan işleriň jemleri jemlenildi diýip, TDH habar berýär.
