Şahyr Altyn Baýramdurdyýewa
Şahyr Altyn Baýramdurdyýewa öz şygyrlarynda Berkarar döwletimiziň bagtyýarlyk döwründe hormatly Prezidentimiziň parasatly baştutanlygynda ata Watanymyzyň bedew batly ösüşlerini joşgunly wasp edýär. Şahyr zenanyň mähriban Diýarymyz, Gahryman Arkadagymyz, eziz halkymyz, ýurdumyzyň ajaýyp tebigat gözellikleri, yşk-söýgi hakdaky goşgulary, durmuş öwrümindäki çuňňur oýlanmalary gaýtalanmajak röwüşde şirin duýgulara siňip, okyjylaryň kalbyna barýan ýoly tapýar.
Biz hem ussatnews.com elektron gazetimiziň okyjylaryna Altyn Baýramdurdyýewanyň birnäçe goşgularyny hödürlemegi makul bildik.
Ata Watan bagtym meniň, işleriň rowaç, Arkadag!
Duýgy dünýäsine düşüp, paýhaslanyp şygra uýup,
Ylham jylawyndan tutup, «Sungatym baýlygym» diýip,
Arkadagly güller açýan zamanany jandan söýüp,
Joşgunyma joşgun berýän, ylhamyma ylham goşup,
Päk ýürekden päk maksadym, täze arzuwlarda joşup,
Ata Watan bagtym meniň, ýollarma çyrag, Arkadag!
Her ädimde, her demimde şükürlidir dilim meniň,
Bagymyzda saýrap guşlar, gunçalady gülüm meniň,
Bereketden alyp paýyn, rysk, bolçulyk günüm meniň,
Döwletime guwanýarlar halk, il-gün ýolum meniň,
Güller ysyny kükedip, lälezardyr ýazym meniň,
Ata Watan bagtym meniň, dowamat dowam, Arkadag!
Döwür ajap, döwran ajap, Arkadagyň saýasynda,
Öýler gurap, toýlar tutup, zamananyň aýasynda,
Bak, türkmene, nazar aýla, güller açýan ýaýlasynda,
Bagtym görýän, erkin gezýän, ajap çagly ýazlagynda,
Gül Diýarda, gül durmuşda joşup-joşup boýlarymda,
Ata Watan bagtym meniň, ýollaryň dowam, Arkadag!
Durky bilen gül-gülzarlyk, ak mermerden jaýlar munda,
Tebigat güle beslenen, göwün açan çaglar munda,
Günüň çogly güneşinden şerbet bally baglar munda,
Bilbilleň sesine ören ilim-günüm aman munda,
Eşrepi dek bagt munda, ýollaryň dowam, Arkadag!
Ata Watan bagtym meniň, işleriň rowaç, Arkadag!
Dillermize sena bu gün, baky Bitaraplygmyz
Bitaraplyk — parahatlyk, asudalyk, jebislik,
Bitaraplyk — agzybirlik, ýurtda doganlyk-dostluk,
Arkadagly ata Watan, halklara göwün hoşluk,
Toý lybasly Diýarymyň çar künjegi toý-şatlyk,
Dillermize sena bu gün, baky Bitaraplygmyz.
Goýnuň misli jennetdir, gülşendir, bagdyr, Watan,
Garagumum gyzylly hum, baýlygyň dagdyr, Watan,
Garaşsyz hem Bitarap ýurt, ajaýyp çagdyr, Watan,
Diýar toýa şaýlanyp, şahandaz halk ýazdyr, Watan,
Aýdym bolup ýaňlanýar, baky Bitaraplygmyz.
Tuguň belentde parladyp, dünýäni goýduň haýran,
«Döwlet adam üçindir!» şygaryň kalba ýaýran,
Bagtyýarlyk, Berkararlyk güllerin saçyp çar ýan,
«Halkyň bagty, bagtym» diýip, halkyny belent söýýän,
Arkadagly, ajap çagly, ýaňlan, Bitaraplygmyz.
Garaşsyz sen, Bitarap sen, abraýyň Arşa galan,
Ata Watanmyň kuwwaty, geljege şugla salan,
Ýaşyl Tuguň belent parlap, dünýäň gujagna dolan,
Dost-doganlyk goldawy, halklary mähre çoýýan,
Dünýä ýüzne şugla saçýar, Gün deý Bitaraplygmyz.
Topragy nur, hazyna, pellerinden altyn önýär,
Ak bugdaý harmany, gör-ä, bu gün daga dönýär,
Halallykdan bagt tapan daýhanlara il guwanýar,
Arkadagyň goldawyndan ene ýer zere öwrülýär,
Bereket bolçulyk bagty, baky Bitaraplygmyz.
Dury asman deý bagtymyz, gökde gurduk tagtymyz,
Bolçulygyň mekany bu, Arkadagly bagtly biz!
Bagt deňizi lowurdap, münewwer deý ýagty biz,
Toý gününi joşdurýar, «Küştdepdili» tansymyz,
Arkadagyň ak ýoly, baky Bitaraplygmyz.
Arkadagyň kitaplarny okamda!
Kalbyma müň şatlyk, milli ruh çaýýar,
Arkadagyň kitaplarny okamda!
Gudrat kerem bolup, ganatyn ýaýýar,
Arkadagyň kitaplarny okamda!
«Türkmen medeniýeti» ylhamym joşdyr,
Milli sungat arşdan-arşlara aşdyr,
Ruhy dünýämize göwherdir, gaşdyr,
Arkadagyň kitaplarny okamda!
«Ile döwlet geler bolsa» bir mukam,
Biz dek sazy ezizleýän barmykan?!
Aýdym-sazly, toýly gülleýär mekan,
Arkadagyň kitaplarny okamda!
Her bir harpy altyn-zerden ýazylan,
Her bir sözi dürdäneden düzülen,
Oguzhanyň paýhasyna bezelen,
Arkadagyň kitaplarny okamda!
Kitap edep mekdep hemmeler üçin,
Uly-kiçi, garry-ýaş — ýeneler üçin,
Watan, Ýaşyl Tugum, mertebäm üçin,
Arkadagyň kitaplarny okamda!
Ynsana toý sowgat, ümmülmez eser,
Paýhasyň ummany göwher deý öwser,
Kalbyňa bakylyk maýasyn seper,
Arkadagyň kitaplarny okamda!
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
