Türkmenistanyň we Awstriýanyň Daşary syýasat edaralarynyň ýolbaşçylarynyň gepleşikleri geçirildi
DIM-niň binasynda Türkmenistanyň Daşary işler ministri Raşid Meredowyň türkmen paýtagtyna iş sapary bilen gelen Awstriýa Respublikasynyň Ýewropa we halkara işleri boýunça Federal ministri Mihael Linhart bilen duşuşygy geçirildi. Bu barada Türkmenistanyň DIM-niň Metbugat gullugy habar berýär.
R.Meredow özüniň giriş sözünde, Türkmenistanyň Awstriýa bilen özara gyzyklanma bildirilýän ugurlaryň ählisi boýunça ikitaraplaýyn hem-de köpugurly özara hereketleriň has hem işjeňleşdirilmegine gyzyklanma bildirýändigini beýan etdi.
Işjeň ýagdaýda geçirilen söhbetdeşligiň dowamynda daşary syýasat edaralarynyň ýolbaşçylary ikitaraplaýyn hyzmatdaşlygyň esasy ugurlaryna seredip geçdiler, şeýle-de halkara gün tertibiniň derwaýys meseleleri boýunça pikir alyşdylar. Şunda iki ýurduň abraýly halkara guramalarynyň çäklerindäki başlangyçlarynyň özara goldanylmagynyň derwaýyslygy aýratyn bellenildi.
Bu ugurda Türkmenistanyň hem-de Awstriýanyň syýasy-diplomatik, söwda-ykdysady hem-de medeni-ynsanperwer ugry boýunça önjeýli gatnaşyklaryň ösdürilmegine taýýardyklary tassyklanyldy. Iki ýurduň döwlet hem-de hususy düzümleriniň işjeň gatnaşmagynda energetika, ulag, söwda, ykdysadyýet, saglygy goraýyş, bilim, ylym we medeniýet ulgamlaryndaky özara hereketleriň has-da ýygjamlaşdyrylmagynyň derwaýyslygy nygtaldy.
2022-nji ýylyň birinji ýarymýyllygynda Bilelikdäki türkmen-awstriýa toparynyň nobatdaky 11-nji mejlisiniň geçirilmegi hem teklip edildi.
Howpsuzlygyň pugtalandyrylmagy, durnukly ösüşiň üpjün edilmegi babatynda sebitleýin gatnaşyklaryň derwaýyslygyna üns çekmek bilen, ministrler owgan meselesiniň parahatçylykly hem-de ynsanperwerlik ugry boýunça kadalaşdyrylmagynda halkara bileleşiginiň tagallalarynyň mundan beýläk-de ýygjam utgaşdyrylmagynyň zerurlygyny aýratyn belläp geçdiler.
Duşuşygyň çäklerinde Türkmenistanyň maýa goýum mümkinçiliklerine bagyşlanan tanyşdyryş çäresi geçirildi. Oňa iki ýurduň DIM-niň ýolbaşçylary, Türkmenistanyň degişli pudaklaýyn edaralarynyň ýolbaşçylary hem-de Awstriýanyň işewürlik düzümleriniň wekilleri gatnaşdylar.
Gepleşikleriň jemleri boýunça R.Meredow hem-de M.Linhart Türkmenistanyň Daşary işler ministrligi bilen Awstriýa Respublikasynyň Ýewropa we halkara işleri boýunça Federal ministrliginiň arasynda 2022-2023-nji ýyllar üçin hyzmatdaşlyk etmegiň Maksatnamasyna gol çekdiler.
Hökümet mejlisinde nebitgaz toplumynyň 2025-nji ýylyň ýanwar-maý aýlarynda işiniň jemleri jemlenildi
4-nji iýunda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň bäş aýynda ýurdumyzda alnyp barlan işleriň jemleri jemlenildi diýip, TDH habar berýär.
Aşgabatda Türkmenistanyň ýaş ekologiýaçylarynyň bäsleşiginiň jemleri jemlendi
Aşgabadyň “Şamelek” toý mekanynda Çagalary goramagyň halkara gününe bagyşlanan dabaraly çäre geçirildi. Çäräni Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy we “Ýaş tebigatçy” jemgyýetçilik guramasy bilelikde geçirildi.
Türkmenistanyň Prezidenti “Türkmengeologiýa” DK-a uglewodorod serişdeleriniň gözlegini netijeli dowam etmegi tabşyrdy
23-nji maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.
Hökümet mejlisinde gaz pudagynda sanlylaşdyrmak meseleleri maslahatlaşyldy
17-nji maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi diýip, TDH habar berýär.
Sagdyn jemgyýet — sagdyn durmuş
«Türkmengaz» döwlet konserniniň Ylmy-barlag tebigy gaz institutynda wagyz-nesihat çäresi geçirildi. «Türkmengaz», «Türkmennebit» döwlet konsernleriniň, «Türkmengeologiýa» DK-nyň guramaçylygynda sagdyn durmuş ýörelgeleri bilen bagly maslahata toplumyň düzümlerinde zähmet çekýän işgärleridir hünärmenleri gatnaşdy.
