Pudagyň ösüşli menzilleri
Ýene-de az wagtdan «Türkmenistan — parahatçylygyň we ynanyşmagyň Watany» ýyly tamamlanyp, täze — 2022-nji bars ýylyna gadam basýarys. Bars haýwanat dünýäsinde iň batyr, güýçli, edermen hasap edilýär. Türkmençilikde ýigitleriň batyrlygy barsa deňelýär. Batyrlygyň nyşany täze bars ýylynda zähmetsöýer halkymyzyň gaýratly işleri bilen möwritini geçirip barýan ýylda gazananlaryndan-da ýokary netijelere eýe boljakdygyna şübhelenmese bolar.
Şu ýylda ýurdumyz halk hojalygynyň durmuş-ykdysady, medeni, aň-bilim, edebiýat, sungat, ulag-aragatnaşyk, ýangyç-energetika pudaklarynda, gurluşyk, himiýa, dokma senagatynda, oba hojalygynda we beýleki ulgamlarda örän uly üstünliklere eýe boldy. Döwletimiziň gaznasy täze-täze gymmatlyklar bilen dolduryldy. Zähmetsöýer adamlaryň şahsy girdejileri mese-mälim artdy. Jemgyýetiň aň-bilim sowatlylygy ýokarlandy. Halkymyzyň ýaşaýyş-durmuşy täze eýýamyň ruhunda has-da özgerdi. Şular bilen birlikde, nebitgaz toplumynda-da uly ösüşlere eýe bolundy.
Geçen on aýyň jemleri boýunça ýokary oktanly benzin öndürmegiň meýilnamasy 107 göterim, polipropilen öndürmegiň meýilnamasy 107,4 göterim ýerine ýetirildi. Iri pudaklara, şeýle hem hyzmatdaşlyk edýän daşary ýurtly kompaniýalar bilen bilelikde amala aşyrylýan halkara taslamalara harçlanylýan maýa goýumlary maliýeleşdirmegiň ähli çeşmeleri boýunça meýilnamasy 108 göterim berjaý edildi.
Nebitgaz toplumynyň düzümleri tebigy we ugurdaş gazy çykarmagyň meýilnamasyny 122,8 göterim, «mawy ýangyjy» daşary bazarlara eksport etmegiň meýilnamasyny bolsa 134,7 göterim ýerine ýetirdiler. Geçen ýylyň degişli döwri bilen deňeşdirilende, şu görkezijiler boýunça gazanylan ösüş degişlilikde 123,9 hem-de 139,6 göterim boldy.
Türkmenistanyň nebitgaz toplumy milli ykdysadyýetiň esasy pudagy bolmak bilen, tutuş ýurdumyzyň ýangyja bolan islegini kanagatlandyrýar, içerki talaplaryndan artyk möçberini daşary ýurtlara eksport edýär. Ýurdumyzyň ykdysady ösüş kuwwaty, köp derejede, energiýa serişdeleriniň senagat esasynda çykarylyşyna, gaýtadan işlenilişine we önümleri öndürişine baglydyr. Şu nukdaýnazardan, durnukly we ygtybarly energiýa üpjünçiligi ýurduň ykdysady howpsuzlygynyň, bu hem öz gezeginde, milli howpsuzlygyň hem-de dünýäniň abadançylygynyň we parahatçylygynyň esasy düzüm bölekleri bolup durýar. Başgaça aýdanymyzda, ýangyç serişdelerini öndürýän ýurtlar olaryň geçirilýän ýollarynyň howpsuzlygyny, daşky gurşawa zyňylmazlygyny, ýaýramazlygyny üpjün etmekde ýokary jogapkärçilik çekýärler.
Biziň ýurdumyz şu meselede halkara başlangyçlary öňe sürýär we şolar esasynda BMG-niň Baş Assambleýasy tarapyndan degişli Rezolýusiýalar kabul edilýär.
Türkmenistanyň nebitgaz toplumynyň düzümleri ýangyç serişdeleriniň howpsuz daşalmagyny we durnukly üpjünçiligini gazanýarlar. Häzirki döwürde Türkmenistanyň energetika howpsuzlygyny üpjün etmek barada uzak möhletleýin maksatnamalar durmuşa geçirilýär. Şunuň bilen birlikde, döwletiň daşary energetika syýasatynyň ýörelgeleriniň hukuk esaslary berkidilýär, täze maksatnamalaryň üstünde işlenilýär.
Bu gün nebitgaz toplumynda çig maldan öndürilýän önümleri içerki sarp edijilere bökdençsiz eltmek, daşary ýurtlara eksport edilýän möçberini artdyrmak ugrundaky işleriň gerimi barha giňelýär. Hormatly Prezidentimiziň ýangyç-energetika strategik ugry bilen Türkmenistan dünýäde ornuny berkidýär.
Atageldi SEÝIDOW,
Ussatnews.com.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
