Ýol-ulag düzümi
Berkarar döwletimiziň bagtyýarlyk döwründe ýurdumyzyň ýol-ulag düzümi täzelenip, içerki gatnawlaryň we üstaşyr ulag geçirijilik kuwwatynyň artmagyna giň mümkinçilikler açyldy.
Ýurdumyzyň ýol-ulag infrastrukturasyny gurmak köpugurly we köptaraply häsiýete eýedir. Şunda awtomobil we demir ýollaryň geçjek ýerlerini tekizlemek, demrikdirmek, şeýle-de suw üsti we gury ýer köprülerini gurmak ýaly işiň aýry-aýry häsiýetli görnüşleri tapawutlandyrylýar. Şu günki Amyderýanyň üstünden gurlan häzirki zaman awtomobil we demir ýol köprüleri ýurdumyzyň içinde we halkara ýük, ýolagçy gatnawlarynynyň möçberini artdyrmakda, ulaglara we ýolagçylara medeniýetli hyzmat etmekde uly mümkinçiliklere eýedir.
Hormatly Prezidentimiz: «Köp sanly täze köprülerimiziň, esasan hem, Amyderýanyň üstünden gurlan awtomobil we demir ýol köprüleriniň ýurdumyzyň içerki gatnawlary üçinem, ýurdumyzdan dünýä çykylmagy üçinem, Beýik Ýüpek ýolunyň häzirki zaman ulgamy arkaly ýurdumyza gelýän, ýurdumyzyň üstünden geçýän halkara gatnawlar üçinem belli bahasy ýokdur» diýip belleýär. Dünýäniň abraýly iri kompaniýalary bilen ýakyn hyzmatdaşlykda bina edilen Kerki — Kerkiçi, Türkmenabat — Farap awtomobil we demir ýol köprüleri ýurdumyzyň gojaman Jeýhunyň iki tarapynda ýerleşýän çäkleriniň arasynda ýük we ýolagçy gatnawlaryny amala aşyrmakda ägirt uly mümkinçilikeri açdy. Şeýle-de ol ýollar Gündogarda doganlyk Özbegistan Respublikasy we onuň üsti bilen goňşulykdaky ýurtlara çykmaga, Günbatarda ýurdumyzyň içerki awtomobil we demir ýollary arkaly Türkmenbaşynyň deňiz portuna, onuň üsti bilen Günorta Aziýa, Kawkaza, Russiýa Federasiýasyna we Ýewropa ýurtlaryna çykmaga mümkinçilik döreýär.
Aziýadan — Ýewropa çykýan deňiz derwezesi bolan Türkmenbaşynyň Halkara deňiz porty ýurdumyza mukaddes Garaşsyzlygymyzyň beren ajaýyp genji-hazynasy boldy. 2018-nji ýylda gurlup ulanylmaga berlen bu Halkara deňiz porty üstünden ulaglary, ýükleri we ýolagçylary geçirijiligi babatda häzirki zaman ýokary kuwwatlygyna eýedir. Onda ýükleriň gury, ürgün we beýleki görnüşleriniň her biri üçin aýratyn terminallaryň göz öňünde tutulmagy harytlaryň howpsuz ýüklenmegini we gatnadylmagyny doly üpjün edýär.
Ýurdumyzda şeýle kämil ýol-ulag infrastrukturasynyň döredilmegi Birleşen Milletler Guramasynyň Baş Assambleýasynyň 2017-nji ýylyň 20-nji dekabryndaky mejlisinde Türkmenistanyň başlangyjy bilen kabul eden «Durnukly ösüş maksatlaryny amala aşyrmak bilen baglylykda ulaglaryň ähli görnüşleriniň arabaglanyşygyny berkitmek» atly Kararnamasyny ýurdumyzda durmuşa geçirmek babatda amala aşyrylan aýdyň işdir.
Biz ýurdumyzyň halkara giňişliginde eýeleýän möhüm ornuny berkitmekde uly tagallalary durmuşa geçirýän Gahryman Arkadagymyza jan saglyk, döwletli başlangyçlarynda hemişe üstünlik arzuw edýäris.
Dürli AGAÝEWA,
Ýagşygeldi Kakaýew adyndaky halkara nebit we gaz uniwersitetiniň mugallymy.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
