«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Häzirki wagtda hyzmat edilýän gaz torlarynyň umumy uzynlygy 1363 km ýetýär. Guramanyň jogapkärçilik zolagynda 370-den gowrak gaz sazlaýjy we gaz paýlaýjy desga bar. Etrabyň çäginde hereket edýän 20 müň 160-dan gowrak hojalyk, kärhanalar we edaralar tutuş ýylyň dowamynda tebigy we suwuklandyrylan gaz bilen üznüksiz üpjün edilýär.
Gaz geçirijilerini we işjeň ýagdaýda saklamak we gaz üpjünçiligini üznüksiz amala aşyrmak üçin toplumlaýyn işler geçirilýär. Daşoguzly gazçylar gazy iberiji desgalarynyň düýpli abatlaýyş işlerine, şeýle hem täze ilatly nokatlary gaz bilen üpjün etmeklige aýratyn üns berýärler. Tehniki howpsuzlyk düzgünlerini berjaý etmek ilkinji nobatdaky wezipe bolup durýar.
Geçen ýylda Amyderýa geňeşliginiň merkezinden uzak aralykda ýerleşen Mäter obasynyň gaz bilen üpjünçiligini gowulandyrmak maksady bilen «Türkmengazüpjünçilik» birleşiginiň welaýatyň gurluşyk-gurnaýjylary bilen birlikde gaz geçirijini abatlamak işleri amala aşyryldy. Hususan-da, turbalar 219 mm diametrli täze turbalara çalşyryldy.
Şeýle hem hünärmenler ilat arasynda tebigy gazdan tygşytly we rejeli peýdalanmak boýunça wagyz işlerini yzygiderli geçirip durýarlar.
«Eni Turkmenistan Limited» kompaniýasy bäsleşige gatnaşmak üçin arzalary kabul edip başlady
«Eni Turkmenistan Limited» kompaniýasy №10123191 belgili bäsleşige gatnaşmak üçin resminamalary kabul etmegiň deslapky tapgyrynyň başlandygyny habar berýär. Taslama enjamlary düýpli abatlamak boýunça hyzmatlary bermegi we zerur bolan ätiýaçlyk şaýlarynyň üpjünçiligini göz öňünde tutýar diýip, Turkmenportal neşiri habar berýär.
Türkmenistanyň Prezidenti nebitgaz toplumynda ýokary derejeli hünärmenleri taýýarlamak boýunça teklibi goldady
23-nji ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Bu barada TDH habar berýär.
Türkmenistanyň Prezidenti TNGIZT-ni döwrebaplaşdyrmak bilen bagly teklibi goldady
16-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy. Bu barada TDH habar berýär.
Türkmenistanyň Prezidenti 2026-njy ýylda nebitgaz toplumynyň işi boýunça meýilnamalary makullady
9-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. “Garaşsyz, baky Bitarap Türkmenistan — bedew batly at-myradyň mekany” ýylynda ilkinji gezek geçirilýän mejlisde döwlet durmuşyna degişli birnäçe meselelere garaldy diýip, TDH habar berýär.
Ýylyň şygaryna bagyşlanan dabaraly maslahat geçirildi
“Türkmennebit” döwlet konserniniň Balkanabat nebitçilik orta hünär okuw mekdebinde mugalumlaryň we talyp ýaşlaryň hem-de jemgyýetçilik guramalaryň gatnaşmagynda 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» diýlip atlandyrylmagy mynasybetli hem-de ýylyň nyşanynyň many-mazmunyny giňden wagyz etmek maksady bilen aýdym-sazly dabaraly maslahat geçirildi.
