BMG-niň Baş sekretaryniň Türkmenistanyň Prezidentine iberen Gutlagy
BMG-niň Baş sekretary Antoniu Guterrişiň Türkmenistanyň bu guramanyň agzalygyna kabul edilmeginiň 30 ýyllygy mynasybetli hormatly Prezidentimiz Gurbanguly Berdimuhamedowa iberen Gutlagy
Türkmenistanyň Hökümetini we halkyny Siziň ýurduňyzyň Birleşen Milletler Guramasynyň agzalygyna kabul edilmeginiň 30 ýyllygy mynasybetli gutlamaga şatdyryn.
1992-nji ýylyň 2-nji marty biziň guramamyz üçin aýratyn senedir. Şol gün Birleşen Milletler Guramasynyň häzirki ähli agzalarynyň 5 göterimine golaýy onuň düzümine birleşdi.
Soňky 30 ýylyň dowamynda biz sebitde hem-de bütin dünýäde parahatçylyga, durnuklylyga, durmuş abadançylygyna ýetmek ugrunda ysnyşykly hyzmatdaşlyk gatnaşyklaryny ýola goýduk. Türkmenistan Durnukly ösüş maksatlaryny ilerletmek we ählumumy meseleleri çözmäge işjeň gatnaşmak bilen, köptaraplaýyn ulgamyň möhüm gatnaşyjysyna öwrüldi.
Biziň COVID-19 pandemiýasyndan saplanmaga çalyşýandygymyz sebäpli, bilelikde has durnukly hem-de adalatly jemgyýete tarap hereket edip biljekdigimize ynanýaryn. Biz raýdaşlyk, maksatlaryň birligi, gepleşikleriň, ylalaşyklylygyň we ýaraşmagyň gaýtadan dikeldilen ruhy arkaly öňümizde durýan wehimlere garşy göreşip, Birleşen Milletler Guramasynyň parahatçylyk, hemmeler üçin abadançylyk we adam hukuklary babatda esasy tagallalaryny durmuşa geçirip bileris.
Siziň soňky 30 ýylyň dowamynda Birleşen Milletler Guramasyny goldaýandygyňyz üçin ýene bir gezek hoşallyk bildirýärin. Biz geljekde gatnaşyklarymyzyň has-da pugtalandyryljakdygyna umyt bildirýäris.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
