Aragatnaşygyň möhüm serişdesi
Dil bilmek ähli döwürlerde: adaty durmuşda hem, özara gatnaşyklarda hem möhüm serişde bolup hyzmat edipdir. Häzirki zaman ösen tehnologiýalary, ykdysadyýetiň, senagatyň göze ilmez çaltlyk bilen täze-täze sepgitleri eýeleýän zamanynda aragatnaşygyň möhüm serişdesi bolan diliň we dil biliminiň öňünde täze-täze möhüm wezipeler açylýar.
Hormatly Prezidentimiziň başlangyçlary bilen, ýurdumyzda ösüp gelýän ýaş nesilleriň dünýä dillerinden suwara bolmaklary ugrunda uly işler durmuşa geçirilýär. Paýtagtymyzda okuw sapaklary iňlis dilinde guralýan Halkara ynsanperwer ylymlary we ösüş uniwersitetiniň açylmagy bu ugurda öňe ädilen ynamly ädimleriň biridir. Şeýle-de, orta mekdeplerde we mekdebe çenli çagalar edaralarynda hem daşary ýurt dillerini öwretmegiň ýörite ders hökmünde okuw meýilnamasyna girizilmegi örän buýsandyryjy ýagdaýdyr.
Mälim bolşy ýaly, dili, şol sanda daşary ýurt dillerini öwretmegiň birnäçe ugry bardyr. Olaryň biri ýaşlara dili gönüden-göni hünäri, ýagny daşary ýurt dili mugallymy, terjimeçi, dili ylmy taýdan öwreniji hökmünde öwretmek, beýleki bir ugry bolsa daşary ýurt dilini talyp ýaşlara öz öwrenýän esasy hünärleri bilen ugurdaş hünär hökmünde öwredilmegidir.
Häzirki zaman ösen dünýäsi, ösen adamzat jemgyýeti dili diňe bir gündelik gepleşigiň, çeper edebiýatyň, publisistikanyň serişdesi bolmakdan ösen tehnologiýalaryň, ösen ykdysadyýetiň we senagatyň serişdesine öwürdi. Ol ýa-da beýleki takyk, tebigy ýa-da ynsanperwer ugurlar boýunça ýokary hünär bilimini ele almak, şol sanda daşary ýurt dilinde ele almak milli hünärmenlerimize öz alan hünärleri babatda dünýä tejribesine has içgin aralaşmaga, hyzmatdaş ýurtlaryň hünärmenleri bilen erkin pikir alyşmaga, bu ugurda milli tejribäniň gazananlaryny dünýä jemgyýetçiligjne has giňden ýaýmaga mümkinçilik berer.
Häzirki ajaýyp Berkarar döwletimiziň bagtyýarlyk döwründe, mähriban Arkadagymyzyň başda durmagynda, Garaşsyz, hemişelik Bitarap döwletimiz syýasy, ykdysadydy, medeni babatda we beýleki ähli ugurlarda dünýä nusgalyk ösüşleri başdan geçirýär. Hormatly Prezidentimiziň «Halkyň Arkadagly zamanasy» ýylymyzyň ilkinji günlerinde ýurdumyzyň welaýatlary boýunça amala aşyran iş saparlarynyň barşynda döwlet Baştutanymyza tebigy baýlyklarymyz bolan nebitiň we gazyň täze ýataklarynyň ýüze çykarylandygy barada hoş habarlar buşlandy. Şonuň ýaly-da, türkmeniň dutar ýasamak senetçiliginiň, dutar çalmak we bagşyçylyk sungatynyň ÝUNESKO-nyň Umumadamzat maddy däl medeni mirasynyň sanawyna girizilendigi barada hoş habar gelip gowuşdy.
Şular ýaly dünýäniň ajaýyp ykdysady we medeni geljegi bilen bagly möhüm ýurt habarlarynyň dünýä dillerinde umumadamzat jemgyýetçiligine ýetirilip durulmagy dünýäniň Garaşsyz ýurdumyzyň parahat, asuda durmuşda ýaşaýan agzybir, jebis halky, döwletimiziň hoşniýätli goňşuçylyk gatnaşyklary barada has-da giňden habarly bolmagyna we özara bähbitli hyzmatdaşlyklaryň mundan beýläk-de ýokary depginlerde ösmegine mümkinçilik berer.
Ýakup ORAZGULYÝEW,
Türkmen döwlet binagärlik - gurluşyk institutynyň talyby.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
