Özgertmelerine beslenen döwletimiz bedew bady bilen okgunly öňe barýar
«Halkyň Arkadagly zamanasy» ýylynyň beýik özgertmelerine beslenen Garaşsyz, hemişelik Bitarap Türkmenistan döwletimiz bedew bady bilen okgunly öňe barýar. Häzirki döwürde ýurdumyzyň ähli ulgamlarynda giň möçberli maksatnamalar üstünlikli durmuşa ornaşdyrylýar, döwletli diýarymyzda ýangyç-energetika, senagat-önümçilik toplumlary yzygiderli gurulýar. Döwletli diýarymyzyň ykdysady kuwwatynyň has-da pugtalanmagynda möhüm ähmiýete eýe bolan önümçilik desgalarynyň, täze binalaryň gurluşygy giň gerimde alnyp barylýar. Nebitgaz pudagyny dünýä derejesinde ösdürmek döwlet syýasatynyň ileri tutulýan ugurlarynyň birine öwrülýär.
«Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasy» kabul edilmegi, geljek 30 ýylda Garaşsyz, baky Bitarap Türkmenistan döwletimizi dünýä derejesindäki uly ösüşlere beslär, ýurdumyzyň halkara abraýyny has-da belende göterer.
Ýurdumyzyň nebitgaz pudagyny diwersifikasiýa ýoly bilen ösdürmek babatda alnyp barylýan giň möçberli işleriň geljekde hem üstünlikli alnyp barylmagy, nebiti we gazy gaýtadan işlemäge ýöriteleşdirilen häzirki zaman toplumlarynyň gurulmagynda aýratyn ähmiýetlidir.
Nebitgaz senagatyny düýpli ösdürmek maksady bilen Hazar deňziniň türkmen bölegindäki ýataklaryň we «Galkynyş» käniniň senagat taýdan özleşdirmeginiň çaltlandyrylmagy möhümdir. Munuň özi döwletimiziň ykdysady kuwwatyny artdyrmagyň we nebitgaz pudagynyň diwersifikasiýa ýoly bilen döwrebap ösüşleriniň üpjün edilmegini özboluşly şertlendirýär.
Nebitgaz pudagyny diwersifikasiýa ýoly bilen yzygiderli kämilleşdirmegiň esasy wezipeleri hökmünde Türkmenistan — Özbegistan — Gazagystan — Hytaý gaz geçirijisiniň kuwwatyny tapgyrlaýyn artdyrmagyň, «Bagtyýarlyk» käniniň çäklerinde täze ýataklary işe girizmegiň, uglewodorod çig malyny gaýtadan işlemäge, şol sanda nebithimiýa, gazhimiýa, himiýa pudaklaryna we elektrik energetikasyna degişli ýöriteleşdirilen iri senagat desgalaryny gurmagyň, harytlyk gaz öndürýän zawodlary gurmagyň, gaz basyş enjamlaryny gurmagyň, nebitiň we gazyň hem-de beýleki tebigy serişdeleriň täze gatlaklaryny ýüze çykarmak üçin geologiýa-gözleg işlerini giňeltmegiň möhümdigini aýratyn nygtap bolar. Şunuň bilen baglylykda, ýurdumyzyň nebitgaz känlerinde gözleg guýularyny geofiziki taýdan barlamakda, burawlamakda, nebitgaz känleriniň ulanyş guýularynyň önüm berijiligini ýokarlandyrmakda ähmiýetli bolan täze tehnologiýalary ornaşdyrmakda pudagyň öňünde uly wezipeleri bolup durýar.
Mälim bolşy ýaly, nebitgaz pudagyny ösdürmäge gönükdirilen iri möçberli maksatnamalarynyň üstünlikli durmuşa geçirilmegi netijesinde, pudakda önümçiligiň täze görnüşleriniň hem birnäçesi ýola goýuldy. Ýagny, geçen ýylda sadap hem-de alýumin çaýylan polipropilen örtügi, Jet A-1 kysymly uçar kerosini, «Turkmenoil Advance 5W-40» görnüşli ýarym sintetiki çalgy ýagy, gämi ýangyjy, A-98 görnüşli benzin önümçiligi nebitgaz pudagyny diwersifikasiýa esasynda ösdürmäge uly badalga berdi.
Häzirki döwürde ýurdumyzyň nebitçileriniň, gazçylarynyň, geologlarynyň yhlasly zähmeti netijesinde uglewodorod serişdeleriniň çig mal ýataklaryny gözlemek, özleşdirmek, nebitiň we gazyň çykarylyşyny we gaýtadan işlenilişini artdyrmak, döwrebap tehnologiýalary önümçilige ornaşdyrmak babatda giň gerimli işler alnyp barylýar.
Bizem halkymyzyň bagtyýar durmuşy, ýurdumyzyň taryhy özgerişlere beslenmegi ugrunda döwletli işleri alyp barýan Hormatly Prezidentimiz Serdar Berdimuhamedowa tüýs ýürekden alkyşlar aýdýarys.
Goý Arkadagly Serdarymyzyň jany sag, ömri uzak, belent maksatlary hemişe rowaç bolsun!
Atajan MULKYÝEW,
Türkmen döwlet binagärlik-gurluşyk institutynyň mugallymy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
