Türkmenistanda Halkara nebit we gaz uniwersitetiniň ýanynda Wodorod energetikasy merkezi işläp başlady
Ýagşygeldi Kakaýew adyndaky Halkara nebit we gaz uniwersitetiniň ýanynda açylan Wodorod energetikasy merkezi öz işine başlady diýip, «Türkmenistan: Altyn asyr» neşiri habar berýär.
Bu Merkeziň döredilmegi Türkmenistanyň energetika diplomatiýasyny ilerletmek boýunça ädimleriniň netijesidir. Onuň esasy wezipesi — ýokary hünär taýýarlykly hünärmenleri taýýarlamak we bu ugurda halkara ylmy hyzmatdaşlygyyny ýola goýmak, ylmy-barlag işlerini geçirmek, Türkmenistanda wodorod-energetika pudagyny döretmek we ösdürmek maksady bilen önümçilige innowasion ylmy-bilim maksatnamalaryny işläp taýýarlamak we ornaşdyrmak bolup durýar.
Täze Merkeziň işi 2022-2023-nji ýyllar üçin wodorod energetikasy ulgamynda Türkmenistanyň halkara hyzmatdaşlygyny ösdürmek boýunça Ýol kartasyynyň çäklerinde hereketleriň meýilnamasyny we wezipeleri durmuşa geçirmäge gönükdirilendir.
ÝHHG-niň wekilleriniň Wodorod energetikasy merkeziniň hünärmenleri hem-de nebitgaz ýokary okuw mekdebiniň talyplary bilen ilkinji duşuşygy fewral aýynyň ahyrynda geçirildi. Oňa gatnaşyjylar wodorod energetikasynyň ösüşiniň geljegini, bu ugurda ýokary hünär taýýarlykly hünärmenleri taýýarlamak we halkara hyzmatdaşlygyny giňeltmek meselelerini maslahatlaşdylar.
Şondan soň, wodorod energetikasyny ulgamynda daşary ýurt tejribesini öwrenmeklige bagyşlanan türkmen-ýapon maslahaty geçirildi. Aprel aýynyň başynda Merkeziň iş topary, şeýle hem ýokary okuw mekdebiniň mugallymlar-talyplar düzümi wodorod energetikasyny senagat taýdan peýdalanmak ulgamynda ählumumy hyzmatdaşlyk boýunça UNIDO-nyň Birinji mejlisine gatnaşdylar. Duşuşykda guramanyň agza döwletleri «ýaşyl» wodorody öndürmekde ählumumy hyzmatdaşlygyň ösüşi we tejribe alyşmak meselelerini maslahatlaşdylar.
HNGU-nyň hünärmenleri şeýle hem Atom energeiýasy boýunça Halkara agentliginiň (MAGATE) guramagynda geçirilen «Pudagy ösdürmk üçin atom-wodorod energetikasyny senagat taýdan özleşdirmegiň ýol kartasyny işläp taýýarlamak» mowzugy boýunça maslahata hem gatnaşdylar.
Türkmenistanyň Döwlet energetika institutynyň «Energiýanyň dikeldilýän çeşmeleri» ylmy-tejribe merkeziniň we HNGU-nyň Wodorod energetikasy merkeziniň guran «Türkmenistanda wodorod energetikasyny ösdürmegiň ähmiýeti» ylmy-amaly maslahaty nobatdaky çäre boldy.
Geljekde Merkeziň hünäärmenleri dünýä tejribesini öwrenmegiň esasynda Türkmenistanda wodorod energiýasyny öndürmegiň öňdebaryjy innowasion tehnologiýasyny ornaşdyrmak boýunça teklipleri işläp taýýarlarlar.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
