Öndürijilikli guýular ulanyşa girizilýär
«Türkmennebit» döwlet konserniniň «Nebitgazburawlaýyş» trestiniň Körpeje buraw işleri müdirliginiň hünärmenleri «2030-njy ýyla çenli Türkmenistanyň nebitgaz senagatyny ösdürmegiň maksatnamasyny» durmuşa geçirmegiň çäklerinde ndürijiligi artdyrmaklyga gönükdirilen giň möçberli işleri ýerine ýetirýärler.
«Halkyň Arkadagly zamanasy» şygary astynda geçýän ýylda müdirligiň zähmetkeşleri Altyguýy, Günorta Uzynada, Uzynada, Guýjuk känlerindäki gözleg-barlag we ulanyş nebitgaz guýularynda buraw işlerini ýerine ýetirýärler. Burawçylar dürli nebitgaz känlerinde uglewodorod çig malynyň öndürijilikli plastlaryny gözlemek, olary ýokary hilli özleşdirmek we ulanyşa bermek boýunça esasy işleri ýerine ýetirýärler.
Ýakkynda burawçylar Altyguýy meýdançasynda ýerleşen 165-nji ulanyş guýusyny işläp taýýarlamak işlerini bellenilen möhletinden öň tamamladylar. Ol ýerden taslama çuňlugyndan «mawy ýangyjyň» senagat akymy alyndy we täze guýy ulanyşa girizildi.
Arazmyrat ILAMANOW,
«Türkmennebit» döwlet konserniniň «Nebitgazburawlaýyş» trestiniň Körpeje buraw işleri müdirliginiň kärdeşler arkalaşygy komitetiniň başlygy.
Nebitgaz toplumynda ýylyň ýedi aýynyň jemlerine garaldy
Halkara parahatçylyk we ynanyşmak ýylynyň 28-nji iýulynda Türkmenistanyň nebitgaz toplumynyň merkezi binasynda ýylyň ýedi aýynda ýerine ýetirilen işleriň jemlerine bagyşlanan hasabat ýygnagy geçirildi.
Nebitgaz toplumynda ýylyň alty aýynyň jemlerine garaldy
Halkara parahatçylyk we ynanyşmak ýylynyň 12-nji iýulynda Türkmenistanyň nebitgaz toplumynyň merkezi binasynda alty aýda ýerine ýetirilen işleriň jemlerine bagyşlanan hasabat ýygnagy geçirildi.
Ýangyjyň tygşytly sarp edilişi
Awtoulagda ýangyjy tygşytly sarp etmek işinde sürüjä esasy orun degişlidir. Şol bir awtoulagda we belli bir ugurda dürli topara degişli sürüjileriň ýangyjy biri-birinden 20 — 25 göterim tapawutly sarp edýändigi synaglar üsti bilen tassyk edilendir.
Türkmenistanyň wekiliýeti Germaniýa bilen hyzmatdaşlygy pugtalandyrýar
23–28-nji iýun aralygynda Türkmenistanyň Energetika ministrliginiň, Bilim ministrliginiň hem-de Döwlet energetika institutynyň wekillerinden düzülen wekiliýeti Germaniýa Federatiw Respublikasyna tanyşlyk saparyny amala aşyrdy.
Hökümet mejlisinde nebitgaz toplumynyň 2025-nji ýylyň ýanwar-maý aýlarynyň jemleri jemlenildi
4-nji iýunda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň bäş aýynda ýurdumyzda alnyp barlan işleriň jemleri jemlenildi diýip, TDH habar berýär.
