Gadamy batly gazçylar
«Daşoguzgazüpjünçilik» müdirliginiň welaýatyň Gurbansoltan eje adyndaky etrabynda ýerleşýän gaz hojalyk edarasynyň agzybir işçi-hünärmenleriniň şu günler ilaty we edara-kärhanalary gymmatly «mawy ýangyç» bilen üpjün etmek ugrunda durmuşa geçirýän nusgalyk işleri aýratyn bellenmäge mynasypdyr.
Edaranyň gazçylary häzirki döwürde etrabyň sarp edijilerini tebigy gaz bilen üznüksiz üpjün etmek bilen bir hatarda, meýilnama esasynda öň bar bolan gaz geçirijileriň kuwwatyny artdyrmak we zerur ýerlerini abatlamak ugrunda hem möhüm işleri durmuşa geçirýärler. Bu işlerde aýratyn hem edaranyň daşary gaz geçirijilerine we gaz sazlaýjy enjamlaryna gözegçilik gullugynyň işçi-hünärmenleriniň «Türkmengazüpjünçilik» birleşiginiň Gurluşyk-gurnaýyş müdirliginiň Daşoguz welaýatyny gazlaşdyrmak boýunça ülşüniň etrapdaky şahamçasynyň agzalary bilen bilelikde ýerine ýetirýän işleri maksada okgunlylygy bilen häsiýetlidir. Bu ugurda şu ýylyň deslapky dört aýynyň dowamynda etrabyň dolandyryş merkezi bolan Gurbansoltan eje şäheriniň Diýar köçesiniň ugrunda ýerleşýän hem-de Ak altyn geňeşliginiň Täze ýol, Gamyşly obalaryndaky göwrüminiň ululygy 219 millimetre barabar bolan gaz geçirijileri düýpli abatlap, geçirijilik mümkinçiliklerini artdyrmak ugrunda durmuşa geçirilen işler geljekde ýerli ýaşaýjylaryň gymmatly «mawy ýangyja» bolan isleglerini doly kanagatlandyrmaga mümkinçilik berer. Bu babatda gaz hojalyk edarasynyň baş inženeri Allamyrat Ysmaýylow bilen başlanan söhbetdeşligimiziň dowamy häzirki wagtda edaranyň gazçylarynyň alyp barýan wajyp işleri baradaky gürrüňlere ulaşyp gitdi.
— Edaramyzyň gazçylarynyň hyzmatyndan etrabymyzyň 24 müň 670-e golaý hojalygynyň peýdalanýandygyny turuwbaşdan belläp geçesim gelýär. Şeýle hem edaramyzyň işçi-hünärmenleri tarapyndan bar bolan dürli ululykdaky gaz geçirijileriň 1220 kilometre golaý ýerine, gaz sazlaýjy we paýlaýjy enjamlaryň bolsa 520 sanysyna ýokary derejede hyzmat edilýär. Şol gaz ulgamlarynyň we enjamlaryň gije-gündiziň dowamynda saz işlemeginde edaramyzyň daşary gaz geçirijilerine we gaz sazlaýjy enjamlaryna gözegçilik gullugynyň işçi-hünärmenleriniň her biriniň mynasyp paýy bar. Olar bitewi gaz ulgamlarynyň zerur bolan ýerleriniň durkuny täzeläp, düýpli abatlaýyş işlerini alyp barmakda hem ýokary işjeňlik görkezýärler. Aýratyn hem gullugyň ussasy Gurban Baýjanowyň ýolbaşçylygynda iş alyp barýan elektrik bilen kebşirleýjiler Baýry Täjiýew, Çary Nurjyýew, abatlaýjy slesarlar Gadambaý Gutlymyradow, Nurýagdy Baýryýew, «Zil» we «Gaz-53» kysymly awtoulaglaryň sürüjileri Baýram Ataýew, Maksat Öwezow, «T-40» görnüşli kebşirleýji enjamy çekýän traktora erk edýän Saparbaý Amanow dagynyň ýerine ýetirýän işlerinden ýaşaýjylaryň hoşaldygyny aýdasym gelýär — diýip, A.Ysmaýylow hoşallyk bilen gürrüň berýär.
Dädebaý NARTYÝEW,
Ussatnews.com.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
