Russiýanyň zawodlary TOPH gaz geçirijisiniň gurluşygy üçin önümleri möhletinden öň ibermegi başardylar
OMK Çelýabinsk zawody (Russiýa) Türkmenistan – Owganystan – Pakistan – Hindistan halkara gaz geçirijisiniň gurluşygy üçin «Türkmengaz» döwlet konsernine önümleri bellenilen möhletinden bir aý öň tabşyrmagy başardylar. Bu barada rus habar beriş serişdeleri habar berýärler.
Hususan-da, «Trubodetal» zawody (OMK toparyna girýär) 2020-nji ýylyň dört aýynda TOPH halkara gaz geçirijisi üçin turbageçirijileriň 960 tonnadan gowrak birleşdiriji detallaryny iberdi. Bu sargydy ýerine ýetirmek üçin «Trubodetal» zawody OMK-nyň ýene-de bir kärhanasynyň — Wuksun metallurgiýa zawodynyň (Nižegorodsk oblasty) öndüren listlerinden we turbalaryndan peýdalandy. OMK-nyň zawodlarynyň şular ýaly utgaşyklylygy ahyrky önümleriň hilini kepillendirmäge we ony bellenilen möhletinden bir aý öň ibermäge mümkinçilik berdi.
«Türkmenistan biziň üçin geljegi uly sebit bolup durýar. Bu ýere biz önümlerimizi ibermäge taýýar we munuň üçin baý tejribä we tehniki mümkinçiliklere eýe. OMK-nyň Wuksun zawody bilen utgaşyklylykda işläp, biz islendik görnüşli we ölçegli turbageçirijileriň, şol sanda Ýewropa standartynyň birleşdiriji detallaryny gysga möhletde öndürip bilýäris. Bildirilen ynam hem bizi saýlandyklary üçin «Türkmengazdaky» hyzmatdaşlarymyza minnetdarlyk bildirýäris» - diýip, «Trubodetal» zawodynyň dolandyryjy direktory Ýewgeniý Baranow belledi.
Ussat news
Türkmenistanyň at gazanan bilim işgäri, ussat halypa Ata Akbäbäýewiň hormatyna…
Ýakynda Mary welaýat Baş bilim müdirliginiň guramagynda Mary şäherindäki iňlis dili we ynsanperwerçilik ugurly okuw dersleri çuňlaşdyrylyp öwredilýän ýöriteleşdirilen welaýat mekdebinde Türkmenistanyň at gazanan bilim işgäri, ussat mugallym Ata Akbäbäýewiň ömrüne, döredijiligine we pedagogik mirasyna bagyşlanan “Ata Akbäbäýew - halypa-şägirtlik mekdebiniň beýik ägirdi” atly ýatlama çäresi geçirildi.
Türkmenistanyň Prezidenti watandaşlaryny baýramçylyk bilen gutlady
Türkmenistanyň Prezidenti watandaşlaryny baýramçylyk bilen gutlady.
SAGDYN DURMUŞ — BAGTYÝAR GELJEK
«Türkmengaz» döwlet konserniniň Ylmy-barlag tebigy gaz institutynda sagdyn durmuş ýörelgeleri bilen bagly wagyz-nesihat çäresi geçirildi.
“Ekologiýa abadançylygy – zeminiň gözelligi” atly çäre geçirildi
Türkmenistanyň Daşary işler ministrliginiň Halkara gatnaşyklary institutynda institutyň “Parahatçylyk medeniýeti” atly ÝUNESKO kluby hem-de “Ýaş tebigatçy” jemgyýetçilik guramasynyň bilelikde guramagynda “Ekologiýa abadançylygy – Zeminiň gözelligi” atly eko-kwest aksiýasy geçirildi. Bu barada jemgyýetçilik guramanyň resmi saýtynda habar berilýär.
Türkmenistanyň nebitgaz toplumynda dört aýyň jemlerine garaldy
5-nji maýda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen dört aýynda ýerine ýetirilen işleriň jemine bagyşlanan hasabat ýygnagy geçirildi.
