API-niň ABŞ-da ätiýaçlyklaryň pese düşýändigi baradaky maglumatlarynyň esasynda nebitiň bahalary ýokarlanýar, Brent — 104,58 dollar
Amerikanyň nebit institutynyň (API) ABŞ-da ätiýaçlyklaryň birden peselmegini görkezýän maglumatlarynyň esasynda nebitiň bahalary çarşenbe güni az-kem ýokarlanýar diýip, Interfaks habar berýär.
Federal ätiýaçlyk ulgamynyň (FÄU) pul-karz syýasatynyň tiz berkleşdirilmegi şertlerinde amerikan ykdysadyýetiniň çökgünlige düşmek howatyrlanmasy bazara basyş etmegini dowam edýär. FÄU çarşenbe güni nobatdaky mejlisini tamamlaýar, onuň netijeleri boýunça binýatlaýyn goýumy ýene-de 75 sany bazis görkezijisi ýokarlandyrmaga garaşylýar.
Brent nebitiniň sentýabrdaky fýuçersleriniň bahasy Londonyň ICE Futures biržasynda çarşenbe güni moskwa wagty bilen ) 8:05-de 0,17% gymmatlap, barreli üçin 104,58 dollara deň boldy. Sişenbe güni ol 0,7% arzanlap, 104,4 dollara düşüpdi.
WTI fýuçersleriniň bahasy Nýu-Ýorkuň haryt biržasynyň (NYMEX) elektron söwdalarynda çarşenbe güni 0.34%ýokarlanyp, 95,3 dollara ýetdi.
Bir hepde öň 1,86 mln barrel ýokarlanmadan soň, 22-nji iýunda tamamlanan hepdede ABŞ-nyň nebit ätiýaçlyklary 4,037 mln barrele çenli azaldy. Ýurtda geçen hepde boýunça energiýa geçirijileriniň ätiýaçlyklary hakynda resmi hasabat çarşenbe güni ABŞ-nyň energetika ministrligi tarapyndan neşir ediler.
Amerikanyň awtomobil assosiasiýasy tarapyndan geçirilen pikir soraşmanyň görkezmegine görä, ABŞ-nyň raýatlary benziniň we dizel ýangyjynyň nyrhlarynyň ýokarlanmagyna jogap edip, ulagly hereketleriniň sanyny azaldýarlar. Bu tomus möwsüminde islegiň peselmegine ýardam edýär. Bilermenleriň pikiriçe, ýokary bolmaly wagtynda benzine islegiň pese düşmegi stagflýasiýa howpuny we onuň mümkin bolan täsirlerini nygtaýar.
«Eni Turkmenistan Limited» kompaniýasy bäsleşige gatnaşmak üçin arzalary kabul edip başlady
«Eni Turkmenistan Limited» kompaniýasy №10123191 belgili bäsleşige gatnaşmak üçin resminamalary kabul etmegiň deslapky tapgyrynyň başlandygyny habar berýär. Taslama enjamlary düýpli abatlamak boýunça hyzmatlary bermegi we zerur bolan ätiýaçlyk şaýlarynyň üpjünçiligini göz öňünde tutýar diýip, Turkmenportal neşiri habar berýär.
Türkmenistanyň Prezidenti nebitgaz toplumynda ýokary derejeli hünärmenleri taýýarlamak boýunça teklibi goldady
23-nji ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Bu barada TDH habar berýär.
Türkmenistanyň Prezidenti TNGIZT-ni döwrebaplaşdyrmak bilen bagly teklibi goldady
16-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy. Bu barada TDH habar berýär.
Türkmenistanyň Prezidenti 2026-njy ýylda nebitgaz toplumynyň işi boýunça meýilnamalary makullady
9-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. “Garaşsyz, baky Bitarap Türkmenistan — bedew batly at-myradyň mekany” ýylynda ilkinji gezek geçirilýän mejlisde döwlet durmuşyna degişli birnäçe meselelere garaldy diýip, TDH habar berýär.
Ýylyň şygaryna bagyşlanan dabaraly maslahat geçirildi
“Türkmennebit” döwlet konserniniň Balkanabat nebitçilik orta hünär okuw mekdebinde mugalumlaryň we talyp ýaşlaryň hem-de jemgyýetçilik guramalaryň gatnaşmagynda 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» diýlip atlandyrylmagy mynasybetli hem-de ýylyň nyşanynyň many-mazmunyny giňden wagyz etmek maksady bilen aýdym-sazly dabaraly maslahat geçirildi.
