Mitro International Limited — «Türkmenistanyň nebiti we gazy» XXVII Halkara maslahatynyň kümüş hyzmatdaşy
«Mitro International Limited» kompaniýasy Aşgabatda 26-28-nji oktýabrda geçiriljek «Türkmenistanyň nebiti we gazy» XXVII Halkara maslahatynyň we sergisiniň kümüş hyzmatdaşy bolup çykyş edýär diýip, forumyň guramaçysy habar berýär.
2000-nji ýylda döredilen «Mitro International Limited» kompaniýasy Türkmenistanyň nebitgaz toplumynda nebit işlerine maýa goýumlary çekmeklige, hususan-da, nebitgaz känlerini gözlemeklige, barlamaklyga we işläp taýýarlamaklyga ýöriteleşendir.
2000-nji ýylyň iýun aýynda «Hazar» şertnamalaýyn çägini — Gündogar Çeleken ýatagyny işläp taýýarlamak babatda Önümi paýlaşmak hakynda Ylalaşyga (ÖPY) gol çekildi. Bir ýyl soňra «Mitro International Limited» kompaniýasy «Hazar» ÖPY taslamasynyň doly derejeli agzasy boldy we şol wagtdan bäri Gündogar Çeleken ýatagyny özleşdirmek we işläp taýýarlamak boýunça Türkmenistanda üstünlikli iş alyp barýar.
«Mitro International Limited» kompaniýasy akymy intensiwleşdirmegiň dürli görnüşli tehnologiýalaryny ulanmak arkaly nobatdaky we düýpli abatlaýyş utgaşdyrylan maksatnamalaryny taýýarlamak we geçirmek boýunça tejribä eýedir. Mundan başga-da, kompaniýanyň çeýe nasos-kompressor turbalaryny we Azot desgasyny ulanmak arkaly dürli işleri geçirmek boýunça tejribesi bar.
«Mitro International Limited» ýataklary we guýulary öwrenmegiň häzirki zaman usullaryna aýratyn üns berýär. Taslamany ösdürmegiň çäklerinde ýatakda 70-den gowrak guýy guruldy, kese sütünleri gurmak boýunça tejribe toplanyldy.
«Mitro International Limited» Continental Industrial Supply, Schlumberger, Vetco Gray, Weatherford, Baker Hughes ýaly ençeme serwis kompaniýalary bilen üstünlikli hyzmatdaşlyk tejribesine eýe, şeýle hem ol Türkmenistanyň nebitgaz toplumynyň birnäçe edaralarynyň serwis hyzmatlaryndan peýdalanýar.
Kompaniýanyň üstünlikli işine şu deliller hem şaýatlyk edýär:
Taslamanyň başyndan bäri 760 mln dollar maýa goýum goýuldy.
Çykarylan çig nebitiň toplanan möçberi — 5900000 tonnadan gowrak.
Döwletiň paýy 2 845 303 tonnadan gowrak boldy.
70-den gowrak täze guýy burawlandy, şol bir wagtda hereket edýän ulanyş gaznasy bar bolan guýularyň 80%-inden geçýär.
Gündogar Çeleken ýatagynda her ýylda guýulary düýpli abatlamak boýunça 30-dan gowrak operasiýa geçirilýär. Guýulary swabirlemek üçin desgalar, NKT liftlerinden parafinleri aýyrmak tehnologiýasy, azot desgasy we GNKT desgasy giňden peýdalanylýar.
Çykarylyşy intensiwleşdirmek üçin Gündogar Çeleken ýatagynda ulanyşyň mehanizasiýalaşdyrylan usullary ulanylýar. Elektropriwod merkezi geçirijili nasoslaryň we ştangaly çuňluk nasoslarynyň desgalarynyň kömegi bilen işler alnyp barylýar.
Aşaky gyzylreňkiň plastlaryndan çykarylyşy artdyrmak maksady bilen, plasty gidrawliki bölmekligi geçirmek meýilleşdirilýär. Ondan soňra nebiti elektropriwod merkezi geçirijili nasoslaryň kömegi bilen çykarmak meýilleşdirilýär.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
