Özbegistan Respublikasynyň Prezidentine Hormatly proffesor alymlyk ady dakyldy
Resmi saparyň çäklerinde Özbegistan Respublikasynyň Prezidenti Şawkat Mirziýoýew Magtymguly adyndaky Türkmen döwlet uniwersitetine geldi, bu ýerde dostlukly ýurduň liderine bu ýokary okuw mekdebiň Hormatly professory alymlyk adyny dakmak dabarasy boldy.
Uniwersitetiň baş binasynyň girelgesiniň öňündäki meýdançada belent mertebeli myhmany TDU-yň rektory B.Orazdurdyýewa hem-de Türkmenistanyň Ylymlar akademiýasynyň Prezidenti A.Aşyrow garşyladylar.
Prezident Şawkat Mirziýoýew eýwanda Türkmenistanyň ýokary okuw mekdepleriniň guran sergisi bilen tanyşdy. Sergide ýurdumyzyň ylym-bilim ulgamynda amala aşyrylýan oňyn özgertmeleriň esasy ugurlary beýan edilýär. Döwlet tarapyndan yzygiderli goldaw berilmegi netijesinde milli ýokary okuw mekdebi öz mümkinçiliklerini giňeldýär. Şeýle-de bu ýerde dutarçylar topary döredijilik ukyplaryny görkezýär.
Soňra Türkmenistanyň Ýokary attestasiýa komitetiniň Özbegistan Respublikasynyň Prezidenti Şawkat Mirziýoýewe «Magtymguly adyndaky Türkmen döwlet uniwersitetiniň Hormatly professory» alymlyk adyny dakmak baradaky çözgüdi yglan edildi. Dostlukly ýurduň Liderine bu ýokary alymlyk derejesi onuň türkmen we özbek halkarynyň arasynda däp bolan dostluk, doganlyk hem-de hoşniýetli goňşuçylyk gatnaşyklarynyň, syýasy, söwda-ykdysady, ýangyç-energetika, ulag kommunikasiýa, ylym-bilim, medeni-ynsanperwer, sport we syýahatçylyk ulgamlaryna netijeli döwletara hyzmatdaşlygyň pugtalandyrylmagy hem-de giňeldilmegi ugrunda bitiren şahsy hyzmatlary we uly goşandy üçin berildi.
Dabara gatnaşyjylaryň el çarpmalary bilen belent mertebeli myhmana dabaraly ýagdaýda türkmen milli dony we telpegi geýdirilýär şeýle hem oňa degişli attestat we gül dessesi gowşurylýar.
Öz gezeginde, Prezident Şawkat Mirziýoýew özüne ýokary hormat goýulandygy – iri türkmen ýokary okuw mekdebiniň Hormatly Professory alymlyk adynyň dakylandygy üçin hoşallygyny beýan edip, muňa Türkmenistan bilen Özbegistanyň halkarynyň arasynda barha bekeýän dostluk, hoşniýetli goňşuçulyk we netijeli hyzmatdaşlyk gatnaşyklarynyň nyşany hökmünde garaýandygyny nygtady.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
