Nusgalyk zähmetiň mysaly
«Türkmengeologiýa» DK-nyň baş hasapçysy Oguljemal Kakajanowanyň durmuşynda bolup geçen möhüm waka — onuň ata Watanymyzyň Garaşsyzlygynyň 31 ýyllygy mynasybetli «Watana bolan söýgüsi üçin» diýen medal bilen sylaglanmagy ol barada okyjylarymyza gürrüň bermäge itergi berdi.
Bu Olýa Gaýypownanyň (işdeşleri onuň adyny mähir bilen şeýle tutýarlar) mynasyp bolan ikinji sylagy. Birinjisi — Türkmenistanyň Garaşsyzlygynyň 20 ýyllygyna bagyşlanan ýubileý medaly boldy.
Olýa Gaýypowna nebitgaz toplumynda 1998-nji ýyldan bäri zähmet çekip gelýär. Ol Türkmen halk hojalyk institutyny (häzirki Türkmen döwlet ykdysadyýet we dolandyryş instituty) «tapawutly diplom» bilen tamamlap, şol ýokary okuw mekdebinde buhgalter hasaby dersi boýunça mugallym bolup dokuz ýyl işländen soň, nazaryýetden tejribelik işine geçmek kararyna gelýär.
Adamyň çagalykda geljekki hünärini, onda-da hasapçylyk ýaly hünäri saýlap almagy örän seýrek duş gelýän ýagdaý. Emma munuň öz sebäbi bar. Olýa Gaýypownanyň ene-atasy we ýakyn hossarlary ykdysatçylar bolup işleýän eken. Şonuň üçin olardan görelde almak bilen, ol nebere kesbini mynasyp dowam edýär. Onuň ýanýoldaşy hem «Türkmengaz» DK-nyň meýilnamalaşdyrma bölüminde zähmet çekipdir, häzir bolsa, kiçi gyzy bu edaranyň bir kärhanasynda baş hasapçy bolup işleýär.
Ol köpýyllyk iş tejribesiniň barlygyna garamazdan, öz ugrundan yzygiderli bilim almagy, buhgalter hasaby bilen bagly täze tehnologiýalar bilen tanyşmagy irginsiz dowam edýär, bu bolsa oňa tejribeli hasapçynyň halkara güwanamasyny almaga mümkinçilik berdi.
«Okuwa bolan höwesim çagalykdan gözbaş alýar, men hemişe köp okap, öňde goýan maksatlaryma halal zähmetim bilen ýetmäge çalyşdym» diýip, işjanly zenan gürrüň berdi.
Oguljemal Kakajanowanyň zähmet üstünliklerine döwlet tarapyndan ýokary baha berildi hem-de «Türkmengeologiýa» DK-nyň agzybir işgärleriniň oňa bolan hormatyny has-da artdyrdy. Korporasiýa bolsa öz işgärine ýürekden buýsanyp, oňa jan saglyk, abadançylyk we işinde uly üstünlikleri arzuw edýär.
Leýli AŞYROWA,
Ussatnews.com.
Hökümet mejlisinde “Türkmengaz” DK-nyň maddy-enjamlaýyn binýadyny kämilleşdirmek boýunça çäreler maslahatlaşyldy
23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.
Türkmen milli кonserwatoriýada wokal bäsleşigi geçirildi
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ýolbaşçylygynda milli medeniýetimizi we sungatymyzy ösdürmek, sungat ulgamynyň hünärmenlerini döredijilikli işlemäge ruhlandyrmak hem-de saz sungatyna höwesli zehinli ýaşlary ýüze çykarmak ugrunda tutumly işler alnyp barylýar.
OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
