Eldar Ahmedowyň täze ýylda Iň uly maksady hiç wagt unudylmajak aýdymlary döretmek
Halkymyzda «Ile döwlet geler bolsa, bagşy bilen ozan geler» diýlen ajaýyp jümle bar. Bagşy-sazandalar eziz Watanymyzy, halkymyzyň we ýurdumyzyň şöhratly taryhyny, eziz Diýarymyzyň ösüşlerini – Berkarar döwletimiziň bagtyýarlyk döwründe mähriban Arkadagymyzyň baştutanlygynda gazanylýan üstünlikleri ajaýyp aýdymlarynda wasp edýärler. Şeýle aýdymçylaryň biri «Türkmengaz» döwlet konserniniň Medeni-işewürlik merkeziniň aýdymçysy Eldar AHMEDOWDYR. Biz zehinli ýaş aýdymçy bilen söhbetdeş bolmagy müwessa bildik.
– Eldar, söhbetdeşligimiziň başyny aýdym-saz sungatyna gelşiňiz baradaky gürrüň bilen başlaýalyň!
– Mende aýdym-saza bolan söýgi orta mekdepde okap ýörkäm döredi. Kakamyň saz gurallaryny çalyp, aýdyma hiňlenişini üns bilen diňlärdim. Şonda kakam meniň aýdym-saza bolan höwesimi duýup: «Yhlas etseň, hökman arzuwyňa ýetersiň, oglum» diýipdi. Şeýdibem, bu sungatyň syrly dünýäsine imrinip gitdim. «Sag bol, Arkadagymyz», «Janym Watan», «Aşgabat», «Ýagyş ýagan gijesi» ýaly aýdymlarymy aýdym-saz muşdaklary uly höwes bilen diňleýärler. Sungat äleminiň ägirtleri, halypalar Nurmuhammet Meredowyň, Begenç Nuryýewiň, Akmuhammet Saparowyň aýdan aýdymlaryny lezzet alyp diňleýärin. Zehiniň, ukyp-başarnygyň bilen halka hyzmat etmek, mukaddes Watanymyzyň ösüş-özgerişlerini wasp etmek uly bagtdyr. Döredijilik adamsynyň häsiýeti, joşguny onuň döredýän eserlerine-de geçýär.
– Sungat adamsyna halkyň berýän bahasy uludyr. Halk köpçüliginiň öňüne kämil bolup çykmak üçin yhlas etmeli...
– Aýdym-saz bilen halkyň öňüne çykanymda: «Diňleýjiniň göwnüne ýetip bildimmikäm?» diýen sorag öňümde keserýär. Aýdymdan soň, şol aýdymyň ýene-de gaýtalanmagyny isläp, diňleýji seni täzeden sahna çagyrsa, saňa berlen uly baha şonda jemlenýär. Halk bilen aýdymçy bile bolanda, gowy eserleriň döremegine itergi berýär.
– Türkmenistanyň Prezidentiniň «Türkmeniň Altyn asyry» atly bäsleşiginde ýeňiji bolduňyz. Söhbedimizi şunuň bilen dowam edäýeliň!
– Hawa, 2009-2011-2019-nji ýyllarda Türkmenistanyň Prezidentiniň «Türkmeniň Altyn asyry» atly bäsleşiginde ýeňiji boldum. Mähriban Arkadagymyz gözbaşyny müňýyllyklaryň jümmüşinden alyp gaýdýan milli aýdym-saz sungatymyzy ösdürip, ömrüni, zehin-başarnygyny sungata, medeniýete bagyşlan ussatlaryň zähmetine çuňňur sarpa goýýar, olara hormatly atlary dakyp, Şa serpaýlary bilen derejeleýär. Milli sungatymyza uly sarpa goýup, ýaş zehinleri hemmetaraplaýyn goldaýan mähriban Arkadagymyza alkyşlarymyz çäksizdir. Halkymyzyň, halypalarymyzyň, hormatly Prezidentimiziň ynamyny ödemek, olara ak ýürekden hyzmat etmek üçin geljekde-de yhlasymy, başarnygymy gaýgyrman täze aýdymlary dörederin.
– Üstünligiň syry nämede diýip hasaplaýarsyňyz?
– Üstünlik seniň diňe şu günki ýeten derejäň bilen kesgitlenmeýär. Geljekde-de halkyň göwnüne ýaraýjak aýdymlary döretmeli. Ana, şonda üstünlige ýetilýär.
– Okyjylarymyz siziň maşgalaňyz baradaky berjek gürrüňleriňize sabyrsyzlyk bilen garaşýandyrlar...
– Agzybir, döwletli maşgalamyzda sungata sarpamyz uly. Maşgalam aýdymlarymyň ilkinji diňleýjisi. Her bir gazanýan üstünligimde olaryň mynasyp paýy bar. Ogullarym Ýunus bilen Han bolsa maşgalamyzyň göz-guwanjy.
– Adamlarda haýsy häsiýetleri halaýarsyňyz?
– Gysgaça jogap bereýin. Sada, dogruçyl, şahandaz, göwnaçyk, bir sözli adamlary halaýaryn.
– Eldar, siz diňe aýdym aýtmak bilen çäklenmän, eýsem, Täze ýyl baýramçylygy mynasybetli teletomaşaçylara hödürlenýän kinofilmlerde hem keşp döredýärsiňiz. Kinofilmlerde keşp döretmek hem özboluşly ussatlygy talap edýär. Söhbedimizi janlandyran keşpleriňiz dogrusyndaky gürrüň bilen dowam edäýeliň!
– Täze ýyl mynasybetli teletomaşaçylara hödürlenjek kinofilminde sürüjiň keşbini janlandyrdym. Kinofilmlerde keşp janlandyranymda, režissýorlaryň kömegi uly boldy. Sungat adamsy halkyň adamsy bolýar, şonuň üçin hem halkymyzyň göwnünden turaýjak sahna oýunlary-da, aýdymlaram, filmlerde döreden keşplerimizem halkymyzyň kalbyna baryp ýetýän keşpler bolmaly. Halypa artistler bilen işleşmegim bolsa, döredijilik älemine has içgin girişmegime, tejribe toplamagyma täsir edýär.
– Durmuşyňyzdaky iň uly maksadyňyz, şeýle-de Täze ýyl baýramçylyk gutlagyňyzy aýdaýsaňyz!
– Iň uly maksadym hiç wagt unudylmajak aýdymlary döretmek.Täze, ýylyň her bir güni toý-baýramlara, şatlyk-buýsanja beslenip, ak arzuwlaryňyz hasyl bolsun! Milli medeniýetimizi, sungatymyzy ösdürmekde ägirt uly işleri bitirýän Gahryman Arkadagymyzyň jany sag, ömri uzak, belent başy aman bolsun!
– Beren gyzykly gürrüňleriňiz üçin köp sag boluň! Berkarar döwletimiziň bagtyýarlyk döwründe ajaýyp aýdymlaryňyzyň owazy belentden-belent ýaňlansyn!
Ýazgül ANNAÝEWA,
USSAT NEWS.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
